සැප්තැම්බර් මාසයේ පැවැත්වෙන එක්සත් ජාතීන්ගේ මහා මණ්ඩල සැසියේදී ඊශ්රායල අග්රාමාත්ය බෙන්ජමින් නෙදන්යාහු නිව්යෝර්ක් නගරයට පැමිණියහොත්, ඔහුව අත්අඩංගුවට ගැනීමේ හැකියාව පිළිබඳව නගරාධිපති සොරාන් මම්දානි නගරයේ නීති අංශ සමඟ සාකච්ඡා කරමින් සිටින බව නිව්යෝර්ක් ටයිම්ස් පුවත්පත වාර්තා කරයි.
ගාසා තීරයේ සිදුවූ මානුෂීය අපරාධ සම්බන්ධයෙන් ජාත්යන්තර අපරාධ අධිකරණය (ICC) නෙදන්යාහුට එරෙහිව වරෙන්තුවක් නිකුත් කර ඇති බව සිහිපත් කරන මම්දානි, නීත්යානුකූලව තමන්ට හිමි බලතල අනුව කටයුතු කිරීමට සූදානම් බව සඳහන් කරයි. නෙදන්යාහු යුද අපරාධකරුවෙකු බවත්, ඔහු ජාත්යන්තර නීතියට වගකිව යුතු බවත් ඔහු වැඩිදුරටත් අවධාරණය කරයි.
කෙසේ වෙතත්, එක්සත් ජාතීන්ගේ සංවිධානයේ ඊශ්රායල තානාපති ඩැනී ඩැනන් ප්රකාශ කර ඇත්තේ, මෙම තර්ජන නොතකා නෙදන්යාහු සැප්තැම්බර් මාසයේදී නිව්යෝර්ක් නගරයේ පැවැත්වෙන එක්සත් ජාතීන්ගේ මහා මණ්ඩල සැසියට සහභාගී වනු ඇති බවයි.
