වරප්රසාද ප්රශ්නයක් සම්බන්ධයෙන් ලිපියක් රැගෙන කතානායකවරයාගේ නිල කාමරයට ගිය අවස්ථාවේදී, කතානායකවරයා මුදල් අච්චු ගැසීමට සූදානමින් සිටි බව පාර්ලිමේන්තු මන්ත්රී චමින්ද සම්පත් දසනායක මහතා පවසනවා. තමන් හදිසියේම කාමරයේ දොර විවෘත කරගෙන ඇතුළු වූ අවස්ථාවේ කතානායකවරයා මුදල් අච්චු ගැසීමට සූදානම් වෙමින් සිටි බවත්, එම ක්රියාව නිසා කතානායකවරයා දැඩි ලෙස කෝපයට පත් වූ බවත් මන්ත්රීවරයා සඳහන් කළා.
මෙම සිදුවීම විස්තර කරමින් මන්ත්රීවරයා ප්රකාශ කළේ, “කතානායක සල්ලි අච්චු ගහන්නේ කාමරේ කොල්ලෙක් එක්ක. මම දරස් ගාලා කාමරේ ඇරගෙන ගියාම මිනිහට මළ පැන්නා. මිනිහා සල්ලි අච්චු ගහන්න සූදානම් වෙලා හිටියේ” යනුවෙනි.
මීට පෙර අමාත්ය පාඨලී චම්පික රණවක මහතා ද මුදල් අච්චු ගැසීම සම්බන්ධයෙන් අදහස් දක්වා තිබූ බව සිහිපත් කළ මන්ත්රීවරයා, කතානායකවරයා ද එවැනිම ක්රියාවක නිරත වන බවට චෝදනා කරනවා. වත්මන් ආණ්ඩුවේ පාලනය දැඩි ලෙස විවේචනය කරමින් මන්ත්රීවරයා ප්රකාශ කළේ, ආණ්ඩුව හිතන දේ සිදු නොවන සහ සිදුවන දේ හිතාගත නොහැකි අවුල් සහගත තත්ත්වයකට පත්ව ඇති බවත්, මෙය “ගහපු බෙරයකුත් නැති බෙරේ පළුවකුත් නැති” තත්ත්වයක් බවත් ය.
