අසර්බයිජානයේ සැඟව සිටියදී එරට සහ මෙරට බුද්ධි සේවාවන් ඒකාබද්ධව සිදුකළ මෙහෙයුමකින් අත්අඩංගුවට ගත් සංවිධානාත්මක අපරාධකරුවෙකු සහ මත්ද්රව්ය ජාවාරම්කරුවෙකු වන “බටුවත්තේ චාමර” නමැත්තා වැඩිදුර ප්රශ්න කිරීම සඳහා පැය 72ක් රඳවා තබා ගැනීමට අධිකරණය අද (12) අවසර ලබා දුන්නේය. 48 හැවිරිදි ජාඇල පදිංචිකරුවෙකු වන මෙම සැකකරු අපරාධ පරීක්ෂණ දෙපාර්තමේන්තුව (CID) විසින් ඉකුත් 10 වැනිදා දිවයිනට රැගෙන ඒමෙන් පසු කොළඹ අපරාධ කොට්ඨාසය වෙත භාර දී තිබුණි.
පොලිස් මූලස්ථානයට අනුව මොහු ගණේමුල්ල සංජීව සහ කෙහෙල්බද්දර පද්මේ වැනි ප්රබල අපරාධකරුවන් සමඟ සමීප සබඳතා පවත්වමින් මත්ද්රව්ය ජාවාරම් මෙහෙයවා ඇත. 2020 වසරේදී හෙරොයින් සහ අයිස් මත්ද්රව්ය කිලෝග්රෑම් 200ක් මෙරටට ගෙන්වීමේ සිද්ධියකට මෙන්ම 2023 සහ 2024 වසරවල ග්රෑන්ඩ්පාස් සහ කඳාන ප්රදේශවල සිදුවූ ද්විත්ව මිනීමැරුම් ඇතුළු වෙඩි තැබීම් කිහිපයක් මෙහෙයවීම සම්බන්ධයෙන් ද මොහුට චෝදනා එල්ල වී තිබේ. සිද්ධිය සම්බන්ධයෙන් කොළඹ අපරාධ කොට්ඨාසය වැඩිදුර විමර්ශන සිදු කරයි.
