නුවරඑළිය මහ අධිකරණ විනිසුරු විරාජ් වීරසූරිය මහතා විසින් අද (29) විවිධ ඝාතන සිද්ධිවලට වරදකරුවන් වූ සිව් දෙනෙකුට මරණ දඬුවම නියම කළේය.
මෙම නඩු තීන්දු ප්රකාශයට පත් කිරීමෙන් අනතුරුව, මරණ දඬුවම නියම වූ එක් චූදිතයෙකු බන්ධනාගාර සිරමැදිරියේ වැසිකිළිය තුළදී වස පානය කර තිබේ. රෝගී වූ එම චූදිතයා දැඩි ආරක්ෂාව මධ්යයේ නුවරඑළිය දිස්ත්රික් මහ රෝහල වෙත ඇතුළත් කර ඇති බව නුවරඑළිය පොලිසියේ උසස් නිලධාරියෙකු පැවසීය.
අද දින මරණ දඬුවම නියම වූ චූදිතයන්
ගාමිණි දිසානායක (52): 2015 වසරේ උඩුපුස්සැල්ලාව ප්රදේශයේදී තම බිරිඳට තියුණු ආයුධයකින් ඇන 23 වතාවක් පහර දී ඝාතනය කිරීම සම්බන්ධයෙන් වැරදිකරු වූ මොහු, අධිකරණය තුළදී වස පානය කර රෝහල්ගත කෙරුණු පුද්ගලයාය.
එස්. නන්දසේන (56): 1997 වසරේ වලපනේ තෙරිපැහැ ප්රදේශයේදී උප තැපැල් ස්ථානාධිපතිවරයෙකු ගෙල කපා ඝාතනය කිරීම සම්බන්ධයෙන් මෙම දඬුවම හිමිවිය. වසර 29ක් තිස්සේ විභාග වූ මෙම නඩුවේදී මීට පෙර ලබා දුන් මරණ දඬුවම සම්බන්ධයෙන් චූදිතයා ශ්රේෂ්ඨාධිකරණයේ ඇපෑලක් ඉදිරිපත් කළද, එහිදීද පෙර තීන්දුවම තහවුරු විය.
මුත්තුවිරන් (75): 2010 වසරේ තලවකැලේ ප්රදේශයේදී පුද්ගලයෙකු ඝාතනය කිරීමට තම පුතුන් දෙදෙනා සමඟ එක්ව කටයුතු කිරීම සම්බන්ධයෙන් වැරදිකරු වූ ඔහුට මරණ දඬුවම නියම විය.
ශන්මුගම් සිවරාජා (51): 2000 වසරේ ගිනිගත්හේන කෙනිල්වත්තේදී පුද්ගලයෙකුට ගල්වලින් පහර දී ඝාතනය කිරීම සම්බන්ධයෙන් වැරදිකරු වූ ඔහුට මෙම දඬුවම හිමිවිය.
