මාර්තු මස අගදී පැවති අවම මට්ටමේ සිට Nvidia සමාගමේ කොටස් මිල මේ වන විට 23% කින් පමණ ඉහළ ගොස් ඇති අතර, එහි හැසිරීම බිට්කොයින් (Bitcoin) මිලෙහි උච්චාවචනයට සමාන බව වෙළෙඳපොළ විශ්ලේෂකයෝ පවසති.
පසුගිය මාර්තු 30 වනදා ඩොලර් 164.04 ක් වූ Nvidia කොටසක මිල මේ වන විට ඩොලර් 201.75 ක ප්රබල ප්රතිරෝධී මට්ටමක් (Resistance level) කරා පැමිණ තිබේ. මෙය සාර්ථකව පසු කළහොත් කොටසක මිල ඩොලර් 250 දක්වා තවදුරටත් ඉහළ යා හැකි බව තාක්ෂණික විශ්ලේෂණ පෙන්වා දෙයි. විශේෂයෙන්ම Nvidia හි වාර්ෂික උච්චාවචනය 27.7% ක් වන අතර එය බිට්කොයින් හි 27.8% ක අගයට බෙහෙවින් සමාන වේ.
හිටපු ජනාධිපති ඩොනල්ඩ් ට්රම්ප්ගේ පාලන සමයේ පැනවූ ඇතැම් ආනයනික බදු නීති විරෝධී බවට අමෙරිකානු ශ්රේෂ්ඨාධිකරණය ලබා දුන් තීන්දුවත් සමඟ, අමෙරිකානු රජය ඩොලර් බිලියන 166 ක පමණ බදු ප්රතිපූරණයක් (Refund) ලබා දීමට සූදානම් වෙයි. මෙය ගෝලීය සැපයුම් දාමය මත යැපෙන Nvidia වැනි සමාගම්වල පිරිවැය අඩු කිරීමට සහ ලාභය ඉහළ නැංවීමට විශාල පිටුවහලක් වනු ඇත.
වෙළෙඳපොළ දත්තවලට අනුව ආයෝජකයින් මිල පහත වැටීමෙන් ආරක්ෂා වීමට ගන්නා පියවර (Downside protection) අඩු කර ඇති අතර, ඒ වෙනුවට විශාල වශයෙන් ප්රාග්ධනය Nvidia වෙත ගලා එමින් පවතී. කෙසේ වෙතත්, මෙම ධනාත්මක ගමන තහවුරු වීමට නම් කොටස් මිල ඩොලර් 201.75 සීමාව ඉක්මවා ස්ථාවර විය යුතු බව ආර්ථික විශේෂඥයෝ අවධාරණය කරති.
