ආසියානු රටකින් සයිබර් අපරාධකරුවන් විසින් පැහැරගන්නා ලදැයි සැක කෙරෙන ඇමෙරිකානු ඩොලර් මිලියන 6.6ක මුදලක් සොයා ගැනීමට ඕමාන රාජකීය පොලීසිය සමත්ව තිබේ. මෙම මුදල් ප්රමාණය ඕමානයේ බැංකුවක් හරහා දේශීය මුදල් බවට මාරු කිරීමට උත්සාහ කළ අවස්ථාවේදී ජාත්යන්තර පොලීසියේ (Interpol) සහාය ඇතිව ක්රියාත්මක වූ ඕමාන ආරක්ෂක අංශ එය වැළැක්වීමට කටයුතු කර ඇත. අදාළ මුදල් අයත් වන්නේ කුමන ආසියානු රටකටද යන්න මෙතෙක් නිල වශයෙන් අනාවරණය වී නොමැති වුවද, මෑතකදී ශ්රී ලංකාවේ මහා භාණ්ඩාගාරයෙන් ඩොලර් මිලියන 2.5ක් සහ තැපැල් දෙපාර්තමේන්තුවෙන් ඩොලර් 625,000ක් අස්ථානගත වීමේ සිද්ධීන් වාර්තා වී තිබුණි.
ශ්රී ලංකාව හැරුණුකොට මෑතකාලීනව මෙවැනි දැවැන්ත මුදල් කොල්ලයක් පිළිබඳ වෙනත් ආසියානු රටකින් වාර්තා වී නොමැති බැවින්, ඕමානයෙන් හමු වූ මෙම මුදල් අතර ශ්රී ලංකාවෙන් පැහැරගත් මුදල් පවතින්නේද යන්න පිළිබඳව මේ වන විට බලධාරීන්ගේ දැඩි අවධානය යොමුව තිබේ. සයිබර් අපරාධකරුවන් විසින් මෙහෙයවන ලද මෙම ජාත්යන්තර මට්ටමේ මූල්ය වංචාව සම්බන්ධයෙන් රාජකීය ඕමාන පොලීසිය වැඩිදුර විමර්ශන පවත්වාගෙන යනු ලබයි.
