ඊශ්රායල රජය සහ ශ්රි ලංකා රජය ඇති කර ගත් රාජ්යතාන්ත්රික ගිවිසුමට අනුව මින් ඉදිරියට ඊශ්රාලයට ශ්රමිකයන් යැවිම සිදු කරන්නේ රජයෙන් පමණක් බව කම්කරු අමාත්ය නිමල් සිරිපාල ද සිල්වා මහතා පවසයි.
ඊශ්රාලයේ ගෘහස්ත සාත්තු සේවා සහ කෘෂීකර්ම අංශයේ රැකියා සඳහා ශ්රි ලංකාවෙන් පසුගිය කාලයේ පෞද්ගලික අංශය මගින යවනු ලැබු ලාංකීකයන් ගෙන් මෙරට රැකියා ඒජන්සිකරුවන් විශාල මුදලක් අය කිරිම පිළිබඳ ලද තොරතුරු මත ඊශ්රායල රජය මෙරට රැකියා ඒජන්සිකරුවන් මගින් එරටට ශ්රමිකයන් ගෙන් වීම අත්හිටුවන් ලැබුවා.
ඒ පිළීබඳ අමාත්යවරයා හා විදේශ සේවා නියුක්ති කාර්යාංශයේ නිලධාරීන් හා රාජ්ය අමාත්ය ප්රියංකර ජයරත්න මහතාගේ සහභාගීත්වයෙන් ඊයේ (14) අමාත්යාංශයේ පැවති විශේෂ සාකච්ඡාවක් පැවැත්විණ.
එහිදි තවදුරටත් තොරතුරු අනාවරණය කරමින් කරණු දැක්වු අමාත්යවරයා කියා සිටියේ, මෙම ගිවිසුම නිසා මින් ඉදිරියට කිසිදු පෞද්ගලික ආයතනයකට ඊශ්රායලයට ලාංකීක ශ්රමිකයන් යැවිමට අවස්ථාවක් නොමැති බවයි.
එම නිසා ඊශ්රායලයට ලාංකික ශ්රමිකයන් යැවිම පිළිබඳ වන ප්රචාරයන්ට නොරැවටෙන ලෙස මහජනතාවගෙන් ඉල්ලා සිටින බව හෙතෙම පැවසිය.
