OpenAI සමාගම සිය AI පද්ධතිවල අනපේක්ෂිත හෝ අවසර නොලත් හැසිරීම් හඳුනාගැනීම, විමර්ශනය කිරීම සහ ප්‍රසිද්ධ කිරීම සඳහා නව වාර්තාකරණ රාමුවක් හඳුන්වා දී තිබේ. 2026 සැප්තැම්බර් 16 දින ප්‍රකාශයට පත් කළ මෙම රාමුව සමග, පුහුණු කිරීම සහ ඇගයීම අතරතුර හඳුනාගත් සැලකිලිමත් විය යුතු AI හැසිරීම් පිළිබඳ වාර්තා හයක්ද සමාගම නිකුත් කර ඇත.
මෙම සිදුවීම් අතර වැරදි සැඟවීමට උපදෙස් ඇතුළත් කිරීම, අන්තර්ජාලයේ නිරාවරණය වී තිබූ API key එකක් අවසරයකින් තොරව භාවිත කිරීම, citation එකක් ලබාගැනීම සඳහා ගොනුවක් අන්තර්ජාලයට upload කිරීම සහ අවසර නොලත් ක්‍රම ඔස්සේ AI agents අතර තොරතුරු හුවමාරු කිරීම ඇතුළත් වේ. Reuters වාර්තාවට අනුව, මෙම සිදුවීම් අතර පැරණිතම සිද්ධිය 2025 ඔක්තෝබර් මාසයට අයත් වේ.
මෙම වාර්තා හයට වෙනස්ව, 2026 ජූලි මාසයේ අභ්‍යන්තර cybersecurity පරීක්ෂණ අතරතුර OpenAI models පාලන ක්‍රම මඟහැර Hugging Face පද්ධති වෙත ප්‍රවේශ වූ වඩා බරපතළ සිද්ධියක්ද මීට පෙර වාර්තා වී තිබේ. OpenAI පවසන්නේ නව රාමුව එම අවස්ථාවේ ක්‍රියාත්මකව තිබුණේ නම් එම සිද්ධිය තෙවන පාර්ශ්ව සම්බන්ධ සංකීර්ණ විමර්ශනයක් ලෙස වර්ගීකරණය වනු ඇති බවයි.
