ශ්රී ලංකාවේ අධිකරණ පද්ධතිය තුළ මිලියන 1.1කට (ලක්ෂ 11කට) ආසන්න නඩු ප්රමාණයක් ගොඩගැසී ඇති බව පුත්තලම දිස්ත්රික් පාර්ලිමේන්තු මන්ත්රිනී නීතිඥ හිරුනි විජේසිංහ මහත්මිය (ජා.ජ.බ.) පාර්ලිමේන්තුවේදී අනාවරණය කළාය. බොහෝ කලක සිට සමාජයේ දැඩි කතාබහට ලක්වූ මෙම නඩු ප්රමාදයට පිළියම් සෙවීම සඳහා වත්මන් රජය අධිකරණ පද්ධතිය විධිමත් කිරීමට කටයුතු කරමින් සිටින බව ඇය සඳහන් කළාය.
නඩු කටයුතු කඩිනමින් අවසන් කිරීමේ සහ විසඳුම් සෙවීමේ විකල්ප පියවරක් ලෙස “සමථකරණය සහ සිවිල් ආරවුල් පිළිබඳ පනත” පාර්ලිමේන්තුවට ඉදිරිපත් කිරීමට පියවර ගෙන ඇති බව ද මන්ත්රීවරිය වැඩිදුරටත් ප්රකාශ කළාය.
