පේරු රාජ්යයේ පැවැති ජනාධිපතිවරණයේ මුල් අදියරේ ඡන්ද ප්රතිඵල නිකුත් වීමත් සමඟ අපේක්ෂකයින් දෙදෙනා අතර පවතින්නේ ඉතා සුළු ඡන්ද පරතරයක් බැවින්, නිල ප්රතිඵලය ප්රකාශයට පත් කිරීම සඳහා දිගු කාලයක් ගතවනු ඇති බව වාර්තා වේ. දක්ෂිණාංශික මතධාරී හිටපු ජනාධිපති ඇල්බර්ටෝ ෆුජිමෝරිගේ දියණිය වන කීකෝ ෆුජිමෝරි (Keiko Fujimori) සහ මෙරට ග්රාමීය ජනතාවගේ දැඩි ආකර්ෂණයක් දිනාගත් වාමාංශික පාර්ලිමේන්තු මන්ත්රී රොබර්ටෝ සැන්චෙස් (Roberto Sanchez) අතර මෙම තියුණු තරඟය නිර්මාණය වී තිබේ.
ප්රකාශිත ඡන්දවලින් සියයට 58ක් පමණ ගණන් කර ඇති අවස්ථාවේදී කීකෝ ෆුජිමෝරි සියයට 52.65ක පෙරමුණක් ගෙන සිටියද, Ipsos ආයතනය විසින් සිදුකළ වඩාත් විශ්වාසදායක ‘ක්වික් කවුන්ට්’ (Quick Count) සමීක්ෂණයට අනුව රොබර්ටෝ සැන්චෙස් සියයට 50.3ක ඡන්ද ප්රතිශතයක් ලබා ගනිමින් සුළු ඉදිරියකින් පසුවේ. මෙම සමීක්ෂණ දත්තයන්ට අනුව අපේක්ෂකයන් දෙදෙනාම තාක්ෂණික වශයෙන් සම මට්ටමක පසුවන බැවින් නිශ්චිත ජයග්රාහකයා තීරණය කිරීමට සම්පූර්ණ ඡන්ද ගණන් කිරීමේ නිල වාර්තාව අවශ්ය වන බව පේරු මැතිවරණ බලධාරීන් (ONPE) පවසන අතර, එම කටයුතු ජූලි මස මැද භාගය වන විට අවසන් වීමට නියමිතය.
