ඇමෙරිකා එක්සත් ජනපදය සහ පිලිපීනය එක්ව වාර්ෂික ‘Balikatan’ යුද අභ්යාස ආරම්භ කිරීමත් සමඟ, චීනය සිය බලශක්ති සංචිත දේශපාලන මෙවලමක් ලෙස භාවිත කිරීමට සූදානම් වන බවට ඉඟි පළ කර තිබේ. ඉරාන යුද්ධය හේතුවෙන් චීනය සිය ඉන්ධන අපනයනය සීමා කර ඇති පසුබිමක, පිලිපීනය ඉල්ලා ඇති බලශක්ති සහන ලබා දීම එම යුද අභ්යාස පවත්වන ආකාරය මත තීරණය වනු ඇති බව චීනයේ කොමියුනිස්ට් පක්ෂයේ නිල පුවත්පත වන ‘People’s Daily’ පුවත්පත අද (21) වාර්තා කළේය.
තායිවානයට ආසන්න දූපත් සහ මතභේදාත්මක දකුණු චීන මුහුද කේන්ද්ර කරගනිමින් මෙවර යුද අභ්යාස පැවැත්වෙන අතර, ඒ සඳහා සෙබළුන් 17,000කට අධික පිරිසක් සහභාගී වේ. පිලිපීනය එක් අතකින් චීනයෙන් බලශක්ති සහන ඉල්ලමින් අනෙක් අතින් ඇමෙරිකාව සමඟ එක්ව යුද අභ්යාස පැවැත්වීම “කුහක පිළිවෙතක්” ලෙස චීනය හඳුන්වා දී ඇත. කලාපීය ආරක්ෂාව සහ බලශක්ති සුරක්ෂිතතාව සම්බන්ධයෙන් මෙවැනි රාජ්යතාන්ත්රික අර්බුද ඉදිරියේදී තවදුරටත් උත්සන්න විය හැකි බව විදේශ විශ්ලේෂකයෝ පෙන්වා දෙති.
