පොලිස්පති කුසලාන ජාතික ශිෂ්‍ය භට කඳවුරට සහභාගි වූ පාසල් 62ක බාලක හා බාලිකා ශිෂ්‍ය භටයන් 1,542 දෙනෙකු විසිර යාමේ උත්සවය හෙට (25) පැවැත්වීමට නියමිතව තිබේ.
මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල මහතාගේ ප්‍රධානත්වයෙන් පැවැත්වෙන මෙම උත්සවයට පොලිස්පති නීතිඥ ප්‍රියන්ත වීරසූරිය මහතා ද සහභාගි වීමට නියමිතය.
උත්සවය 2026 ඔක්තෝබර් 25 වනදා පෙරවරු 7.30ට කළුතර පොලිස් අභ්‍යාස විද්‍යාලයේ අළුවිහාර ක්‍රීඩාංගණයේදී පැවැත්වේ.
මෙම අවස්ථාව ආවරණය කිරීම සඳහා මාධ්‍ය ආයතනවල ප්‍රාදේශීය මාධ්‍යවේදීන් සහභාගි කරවන ලෙස පොලිස් මාධ්‍ය කොට්ඨාසය ඉල්ලීමක් කර තිබේ.
