ඩොලර් ආදායම ඉහළ නංවමින් ශක්තිමත් අපනයන ආර්ථිකයක් ගොඩනැඟීමේ අරමුණින්, ඇඟලුම් ක්ෂේත්රයේ ගැටලුවලට කඩිනම් විසඳුම් ලබා දීම පිළිබඳ විශේෂ සාකච්ඡාවක් ජනාධිපති අනුර කුමාර දිසානායක මහතාගේ ප්රධානත්වයෙන් ජනාධිපති කාර්යාලයේදී පැවැත්විණි.
එහිදී සාකච්ඡාවට බඳුන් වූ ප්රධාන කරුණු:
වෙළෙඳ සහ ආයෝජන කටයුතු කාර්යක්ෂම කිරීම සඳහා ‘වෙළෙඳාම සඳහා වූ ජාතික තනි කවුළුව’ ජූලි මස අවසන් වන විටත්, ‘ආයෝජන සඳහා වූ ජාතික තනි කවුළුව’ වසර අවසන් වීමට පෙරත් ක්රියාත්මක කිරීමට සැලසුම් කර ඇත.
අපනයන ආර්ථිකය ශක්තිමත් කිරීම සඳහා කර්මාන්ත ශාලා ග්රාමීය ප්රදේශ වෙත ව්යාප්ත කිරීමේ වැදගත්කම ජනාධිපතිවරයා පෙන්වා දුන්නේය. ඒ සඳහා අවශ්ය යටිතල පහසුකම් රජයේ අනුග්රහයෙන් ලබා දෙන ‘Plug and Play’ ක්රමවේදය හඳුන්වා දීමට සාකච්ඡා කෙරිණි.
ආයෝජකයන් මුහුණ දෙන ඉඩම් ගැටලු විසඳීම සඳහා නීතිමය ප්රතිසංස්කරණ මේ වන විට සිදුවෙමින් පවතින බවත්, ඉඩම්වල වටිනාකම සහ ප්රතිපත්තිමය ස්ථාවරභාවය සහතික කිරීමට රජය මැදිහත් වන බවත් ජනාධිපතිවරයා අවධාරණය කළේය.
වැට් (VAT) බදු ක්රමය හේතුවෙන් දේශීය අමුද්රව්ය සපයන්නන් මුහුණ දෙන ගැටලු පිළිබඳව ද අවධානය යොමු කෙරුණු අතර, ඊට අදාළ සහන පිළිබඳ යෝජනා කඩිනමින් ඉදිරිපත් කරන ලෙස ව්යාපාරිකයන්ට දැනුම් දෙන ලදී.
වෙළෙඳපොළ අවස්ථා පුළුල් කර ගැනීම සඳහා නිදහස් වෙළෙඳ ගිවිසුම් සහ කෝටා ප්රමාණයන් ඉහළ නංවා ගැනීමට ගත හැකි පියවර පිළිබඳව ද දීර්ඝ ලෙස සාකච්ඡා විය.
ත්රස්තවාදය වැළැක්වීමේ පනත (PTA) වෙනුවට මහජන අයිතීන් සුරක්ෂිත වන පරිදි සංවිධානාත්මක අපරාධ වැළැක්වීමේ නව පනතක් හඳුන්වා දෙන බව ජනාධිපතිවරයා මෙහිදී වැඩිදුරටත් සඳහන් කළේය.
ආයෝජකයන්ගේ ගැටලු අඛණ්ඩව සාකච්ඡා කිරීම සඳහා මාසික රැස්වීම් මාලාවක් පවත්වාගෙන යාමට ද ජනාධිපතිවරයා එකඟතාව පළ කළේය.
