පුරාණ තාක්ෂණය සහ නූතන විද්යාත්මක ක්රමවේදයකට අනුව දිවයින පුරා වැව් 5,000ක් කඩිනමින් ප්රතිසංස්කරණය කල යුතු බව ජනාධිපති ගෝඨාභය රාජපක්ෂ මහතා පවසයි.
ජනාධිපතිවරයා මේ බව පැවසුවේ ග්රාමීය කුඹුරු, ආශ්රිත වැව්, ජලාශ හා වාරිමාර්ග සංවර්ධන රාජ්ය අමාත්යාංශයේ ඉදිරි සැලසුම් පිළිබඳව අද (09) පෙරවරුවේ ජනාධිපති කාර්යාලයේ පැවති සාකච්ඡාවේදී යෝජිත වැඩසටහන් පුළුල්ව විමර්ශණය කෙරිණ.
දිවයින පුරා ඇති පුරන් කුඹුරු අක්කර 120,000ක් ආශ්රිතව “ජාතික ආහාර නිෂ්පාදන දායකත්ව වැඩසටහන ක්රියාත්මක කරනු අතර වැව් පිළිසකර ව්යාපෘතිය කඩිනම් කිරීමට සිවිල් ආරක්ෂක බලකාය සහාය කර ගැනේ.
මින් පෙරත් වැව් ප්රතිසංස්කරණ ව්යාපෘතියක් ක්රියාත්මක කල නමුත් එය විද්වතුන්ගේ සහ ජනතාවගේ බලවත් දෝෂ දර්ශනයට ලක් වු බව ජනාධිපතිවරයා කියා සිටියේය.
ඊට හේතුව වැව් හාරා ගැඹුරු කළත් ජලය රඳවා ගැනීමේ පුරාණ තාක්ෂණ සහ විද්යාත්මක ක්රම භාවිත නොකිරීම බවත් එවැනි අඩු පාඩු මග හරිමින් පොදු නිර්ණායකයක් යටතේ ඒ ඒ ප්රදේශවලට සහ වැව් වලට ආවේණික ක්රමයකට ප්රතිසංස්කරණ වැඩ කළ යුතු බව ජනාධිපතිවරයා අවධාරණය කළේය.
මෙම අවස්ථාවට අමාත්ය චමල් රාජපක්ෂ, රාජ්ය අමාත්ය අනුරාධ ජයරත්න, ආර්ථික පුනර්ජීවනය පිළිබඳ ජනාධිපති කාර්ය සාධක බලකායේ ප්රධානී බැසිල් රාජපක්ෂ, ජනාධිපති ලේකම් පී.බී. ජයසුන්දර යන මහත්වරු, කැබිනට් හා රාජ්ය අමාත්යාංශවල මෙන්ම රේඛීය ආයතනවල නිලධාරීහූ සහ ගොවි සංගම් නියෝජිතයෝ ඇතුළු පිරිසක් සාකච්ඡාවට එක්ව සිටියහ.
