ශ්රී ලංකාවේ පාරිසරික සුරක්ෂිතතාව වෙනුවෙන් සුවිශේෂී මෙහෙවරක් ඉටුකරන පුද්ගලයින් සහ ආයතන ඇගයීම සඳහා මධ්යම පරිසර අධිකාරිය (CEA) මගින් සංවිධාන කරනු ලබන “ජනාධිපති පරිසර සම්මාන – 2026” සඳහා අයැදුම්පත් කැඳවීම මේ වන විට ආරම්භ කර ඇත. පරිසරය සුරැකීමට කැපවන කර්මාන්ත, ව්යාපෘති, මාධ්ය සහ සමාජ අංශවලට මෙහිදී සම්මාන සඳහා තරඟ වැදිය හැකිය. මෙම සම්මාන උළෙලේදී ප්රධාන වශයෙන් රන්, රිදී, ලෝකඩ සහ කුසලතා යන කාණ්ඩ යටතේ සම්මාන පිරිනැමීමට කටයුතු යොදා ඇත.
මධ්යම පරිසර අධිකාරිය නිවේදනය කරන පරිදි අයැදුම්පත් යොමු කළ යුතු අවසන් දිනය 2026 අප්රේල් මස 30 වනදා වේ. උනන්දුවක් දක්වන පාර්ශවයන්ට මධ්යම පරිසර අධිකාරියේ නිල වෙබ් අඩවිය වන www.cea.lk වෙත පිවිසීමෙන් අයැදුම්පත් බාගත කරගත හැකිය. එසේම 011 2873447 හෝ 011 2872278 යන දුරකථන අංක ඔස්සේ මෙන්ම 011 2888999 යන ක්ෂණික ඇමතුම් අංකය ඇමතීමෙන් ද වැඩිදුර විස්තර ලබාගත හැකිය.
මෙම අභිමානවත් සම්මාන ප්රදානෝත්සවය ජනාධිපති අනුර කුමාර දිසානායක මහතාගේ ප්රධානත්වයෙන් ලබන ඔක්තෝම්බර් මාසයේදී කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී (BMICH) උත්කර්ෂවත් අයුරින් පැවැත්වීමට සැලසුම් කර ඇත. පාරිසරික කළමනාකරණය, තිරසාර සංවර්ධනය සහ සොබාදහම රැකගැනීම සඳහා නවෝත්පාදන ඉදිරිපත් කරන සියලුම අංශවලට මෙම අවස්ථාව විවෘත වේ.
