කොළඹ වරාය නගරය තුළ අමෙරිකානු ඩොලර් මිලියන 112.2ක ( රුපියල් බිලියන 15.95ක) දැවැන්ත ආයෝජනයක් සිදු කරමින් සුවිශේෂී මිශ්ර සංවර්ධන වෝටර්ෆ්රන්ට් ව්යාපෘතියක් ක්රියාත්මක කිරීම සඳහා ‘Prime Melwa (Pvt) Ltd’ ආයතනය උපායමාර්ගික වැදගත්කමක් සහිත ප්රාථමික ව්යුහයක් ලෙස නම් කිරීමට අමාත්ය මණ්ඩල අනුමැතිය හිමි වී තිබේ. කොළඹ වරාය නගර ආර්ථික කොමිෂන් සභා පනතේ විධිවිධාන යටතේ මෙම අනුමැතිය ලබා දී ඇත.
වාණිජ, නේවාසික සහ විනෝදාස්වාද පහසුකම් රැසකින් සමන්විත මෙම නව ව්යාපෘතිය හේතුවෙන් ඉදිරි වසර කිහිපය තුළ මෙරට නව රැකියා අවස්ථා 800ක් පමණ බිහි වනු ඇතැයි අපේක්ෂා කෙරේ. උපායමාර්ගික වශයෙන් වැදගත් වන මෙවැනි ව්යාපෘති සඳහා කැබිනට් අනුමැතියට යටත්ව බදු නිදහස් කිරීම් හෝ විශේෂ දිරිගැන්වීම් ලබා දීමට අදාළ පනත මඟින් ප්රතිපාදන සලසා දී ඇති අතර, මෙමඟින් මෙරට නාගරික සංවර්ධනයට සහ විදේශ ආයතන ගලා ඒමට සැලකිය යුතු දායකත්වයක් ලැබෙනු ඇත. ජනාධිපති අනුර කුමාර දිසානායක මහතාගේ අනුමැතිය යටතේ මුදල්, ආර්ථික ස්ථායීකරණ සහ ජාතික ප්රතිපත්ති අමාත්යවරයා විසින් ඉදිරිපත් කරන ලද මෙම යෝජනාවට අමාත්ය මණ්ඩලය විසින් මෙලෙස විධිමත් අනුමැතිය ලබා දී තිබේ.
