බ්රිතාන්යයේ චාල්ස් රජුගේ බාල සොහොයුරෙකු වන ඇන්ඩෲ මවුන්ට්බැටන්-වින්ඩ්සර් (Andrew Mountbatten-Windsor) මහතාට එරෙහිව දියත් කර ඇති පොලිස් විමර්ශන ඉතා දීර්ඝ මෙන්ම සංකීර්ණ එකක් වනු ඇතැයි එරට ජ්යෙෂ්ඨ පොලිස් නිලධාරීහු ප්රකාශ කරති. පොදු මහජන ධුරයක් දරමින් සිටියදී සිදුකළ විෂමාචාරයන් සහ ලිංගික අපරාධ සම්බන්ධ සැකය මත මේ වසරේ මුලදී ඔහුව අත්අඩංගුවට ගනු ලැබීය.ඇමරිකානු ජාතික ලිංගික අපරාධකරුවෙකු වූ දිවංගත ජෙෆ්රි එප්ස්ටයින්ට (Jeffrey Epstein) අදාළව එරට අධිකරණ දෙපාර්තමේන්තුව විසින් ලිපි ලේඛන මිලියන ගණනක් ප්රසිද්ධියට පත් කිරීමෙන් අනතුරුව, පසුගිය පෙබරවාරි මාසයේදී නෝෆොක් (Norfolk) හි පිහිටි ඔහුගේ නිවසේදී ඇන්ඩෲ කුමරු පොලිස් අත්අඩංගුවට පත්විය. එහිදී රහස් පරීක්ෂකයන් විසින් පැය ගණනාවක් තිස්සේ ඔහුගෙන් දීර්ඝ ලෙස ප්රශ්න කිරීම් සිදුකර තිබුණි.බ්රිතාන්ය රාජකීය කිරුළ උරුම වීමේ අනුපිළිවෙළේ 8 වැනි ස්ථානයේ පසුවන 66 හැවිරිදි වියේ පසුවන ජ්යෙෂ්ඨ රාජකීයයෙකු මෙලෙස අත්අඩංගුවට පත්වීම නූතන ඉතිහාසයේ පෙර නොවු විරූ සිදුවීමකි. එලිසබෙත් රැජිනගේ දෙවැනි පුත්රයා වන ඇන්ඩෲ මහතා, ජෙෆ්රි එප්ස්ටයින් සමඟ පැවති සබඳතාව පිළිබඳව කණගාටුව පළ කර සිටිය ද තමන් කිසිදු වැරැද්දක් සිදුකර නොමැති බව දිගින් දිගටම ප්රකාශ කර ඇති අතර, අත්අඩංගුවට ගැනීමෙන් පසුව ඔහු මෙතෙක් කිසිදු ප්රසිද්ධ ප්රකාශයක් සිදුකර නොමැත.
