ඉන්දියාවේ තුන්වන විශාලතම රාජ්ය අංශයේ බැංකුව වන පන්ජාබ් නැෂනල් බැංකුව (PNB) සයිබර් ආරක්ෂණ ආයෝජන ඉහළ නැංවීමට සහ තාක්ෂණික මෙවලම් මිලදී ගැනීම වේගවත් කිරීමට පියවර ගෙන තිබේ. ඇන්ත්රොපික් සමාගමේ මිථොස් වැනි උසස් කෘත්රිම බුද්ධි ආකෘති මඟින් එල්ල විය හැකි ඩිජිටල් තර්ජනවලින් ආරක්ෂා වීම සඳහා මෙම පියවර ගෙන ඇති බව බැංකුවේ විධායක අධ්යක්ෂවරයා ප්රකාශ කර ඇත.
ඒ අනුව බැංකුවේ සමස්ත තාක්ෂණික අයවැයෙන් 20%ක ප්රතිශතයක් එනම් ඉන්දීය රුපියල් බිලියන 7 සිට 8 දක්වා වූ මුදලක් සයිබර් ආරක්ෂාව සඳහා වෙන් කර ඇති අතර, එය පසුගිය වසරට වඩා 50%කට වඩා වැඩි වීමකි. මීට අමතරව ආරක්ෂක පද්ධති සහ ෆයර්වෝල් මිලදී ගැනීම වේගවත් කර ඇති අතර, 24/7 පදනමින් විගණන කටයුතු සිදු කිරීමටද පියවර ගෙන ඇත.
මෙම සයිබර් ආරක්ෂණ වැඩපිළිවෙළට සමගාමීව 2026/27 මූල්ය වර්ෂය සඳහා 12% සිට 13% දක්වා ණය වර්ධනයක් අපේක්ෂා කරන අතර, පසුගිය කාර්තුවේදී බැංකුවේ ශුද්ධ ලාභය 14%කින් ඉහළ ගොස් තිබේ.
