පොදු ප්රවාහන සේවයේ ගුණාත්මකභාවය සහ මගී ජනතාවගේ ආරක්ෂාව සහතික කිරීමේ අරමුණින් ක්රියාත්මක වන විශේෂ මත්ද්රව්ය පරීක්ෂණ වැඩසටහනේ තවත් අදියරක් අද (12) පෙරවරුවේ කඩවත බස් නැවතුම්පොළ කේන්ද්ර කරගනිමින් පැවැත්විණි. ප්රවාහන, මහාමාර්ග හා නාගරික සංවර්ධන අමාත්ය බිමල් රත්නායක මහතාගේ සංකල්පයකට අනුව සකස් කරන ලද මාර්ග ආරක්ෂණ සැලැස්මට අනුව මෙම වැටලීම් සිදු කෙරේ.
ජාතික ප්රවාහන වෛද්ය ආයතනයේ ජංගම පරීක්ෂණාගාර බස් රථය යොදාගනිමින් සිදුකළ මෙම අහඹු පරීක්ෂාව සඳහා කඩවත බස් නැවතුම්පොළේ රියදුරන් සහ සහායකයින් 148 දෙනෙකු යොමු කර තිබූ අතර, ඉන් 07 දෙනෙකු අන්තරායකර මත්ද්රව්ය භාවිතා කර ඇති බවට වෛද්ය පරීක්ෂණ මගින් තහවුරු විය. මගී සහ පදික ජනතාවගේ ජීවිත අවදානමකට ලක් කරමින් මත්ද්රව්ය භාවිතා කර රිය පදවන පුද්ගලයන් හඳුනාගෙන ඔවුන්ට එරෙහිව ආයතනික මෙන්ම රටේ පොදු නීතිය යටතේ දැඩි දඬුවම් පැමිණවීමට අමාත්යාංශය තීරණය කර ඇත. මාර්ග විනය රැකෙන පරිදි මෙම වැඩසටහන ඉදිරියේදී දිවයින පුරා පුළුල්ව ක්රියාත්මක කිරීමට ශ්රී ලංකා පොලීසිය හා ජාතික ප්රවාහන වෛද්ය ආයතනය ඒකාබද්ධව කටයුතු කරනු ඇත.
