‘දිට්වා’ සුළි කුණාටුවෙන් දැඩි බලපෑමට ලක් වූ කෑගල්ල, මහනුවර, නුවරඑළිය සහ බදුල්ල යන දිස්ත්රික්කවල අවතැන් වූ පිරිස් වෙනුවෙන් අන්තර් නිවාස ව්යාපෘති මැයි මස මුල් සතියේ සිට ආරම්භ කිරීමට රජය තීරණය කර තිබේ. ආරක්ෂක නියෝජ්ය අමාත්ය විශ්රාමික මේජර් ජෙනරල් අරුණ ජයසේකර මහතාගේ ප්රධානත්වයෙන් යුද හමුදා මූලස්ථානයේදී පැවති සාකච්ඡාවකදී මේ බව අනාවරණය විය.
රජයේ ‘Rebuilding Sri Lanka’ වැඩසටහන යටතේ ක්රියාත්මක මෙම ව්යාපෘතිය මඟින් අවතැන් වූ පුද්ගලයින් 1,000කට ආසන්න පිරිසකට තාවකාලික ආරක්ෂිත නිවාස ලබාදීම අරමුණු කෙරේ. ශ්රී ලංකා යුද හමුදාවේ ඉංජිනේරු තාක්ෂණය සහ ශ්රම දායකත්වය මත මෙම ඉදිකිරීම් කටයුතු සිදුකෙරෙන අතර, ජාතික ගොඩනැගිලි පර්යේෂණ සංවිධානයේ (NBRO) අනුමැතිය ඇතිව ආරක්ෂිත ඉඩම් හඳුනාගැනීමේ කටයුතු මේ වන විටත් ආරම්භ කර ඇත. විනිවිදභාවයෙන් හා ගුණාත්මකභාවයෙන් යුතුව මෙම ව්යාපෘතිය නියමිත කාලසටහනට අනුව නිම කරන ලෙස නියෝජ්ය අමාත්යවරයා මෙහිදී යුද හමුදාවට උපදෙස් ලබා දී තිබේ.
