මැදපෙරදිග කලාපය තුළ යළිත් වරක් හටගෙන ඇති උග්ර නොසන්සුන්කාරී වාතාවරණය හේතුවෙන් ගෝලීය වශයෙන් උද්ධමනය ඉහළ යා හැකි බවට පවතින බියත් සමඟ ලෝක වෙළඳපොළේ රන් මිල පහත වැටී ඇති බව රොයිටර් (Reuters) පුවත් සේවය වාර්තා කර සිටී.
සාමාන්යයෙන් ලෝකයේ භූ-දේශපාලනික අර්බුද පවතින අවස්ථාවලදී රන් මිල ඉහළ යාමේ ප්රවණතාවක් පැවතුණද, මෙම නවතම නොසන්සුන්තාවය හේතුවෙන් ඇතිවිය හැකි දිගුකාලීන උද්ධමනකාරී තත්ත්වය සහ ඒ ආශ්රිත ආර්ථික බලපෑම් පිළිබඳව ආයෝජකයන් දැඩි ලෙස සැලකිලිමත් වීම මීට ප්රධානතම හේතුව වී තිබේ.
විශේෂයෙන්ම මැදපෙරදිග අර්බුදයත් සමඟ බලශක්ති මිල ගණන් ඉහළ යාම මත ලෝක පරිමාණයෙන් උද්ධමනය තවදුරටත් උග්ර වනු ඇතැයි යන සැකය ආයෝජන තීරණ කෙරෙහි සෘජුවම බලපා ඇති බව ජාත්යන්තර ආර්ථික විශ්ලේෂකයෝ පෙන්වා දෙති.
මුලාශ්ර – රොයිටර්ස්
