රිළවුන් හේතුවෙන් ගොවීන්ගේ වගාවන්ට සිදුවන හානිය අවම කිරීම සඳහා රිළවා පළිබෝධකයෙකු ලෙස රජය විසින් නිල වශයෙන් නම්කර ඇති බව කෘෂිකර්ම හා පශු සම්පත් නියෝජ්ය අමාත්ය නාමල් කරුණාරත්න මහතා ප්රකාශ කරයි. අඹන්පොළ පැවති ගොවි හමුවකදී අමාත්යවරයා මේ බව සඳහන් කළේය.
වගාවන්ට හානි කරන සතුන් පාලනය කර ගැනීම සඳහා සහනයක් ලෙස, 50%ක ගෙවීමේ පදනම මත ගොවීන් වෙත වායු රයිෆල් ලබා දීමේ වැඩපිළිවෙළක් ක්රියාත්මක කිරීමට රජය සැරසෙන බව ද නියෝජ්ය අමාත්යවරයා වැඩිදුරටත් පැවසීය.
වර්තමානයේ රටේ පවතින කාර්මික නිලධාරී හිඟය පිළිබඳව ද අදහස් දැක්වූ අමාත්යවරයා, කුරුණෑගල දිස්ත්රික්කයේ වැව් අමුණු ප්රතිසංස්කරණය කිරීම සඳහා අවශ්ය මුදල් ප්රතිපාදන රජය සතුව තිබුණද, ඇස්තමේන්තු සකස් කර ගැනීමේදී පවතින ප්රමාදයන් ගැටලුවක් වී ඇති බව පෙන්වා දුන්නේය.
කෘෂිකාර්මික නිෂ්පාදනය ඉහළ නැංවීමේ අරමුණින් හෙක්ටයාරයකින් වී කිලෝ 12,000ක අස්වැන්නක් ලබාගත හැකි නව වී ප්රභේදයක් හඳුන්වා දීම සඳහා පරීක්ෂණ සිදුකරමින් පවතින බව ද අමාත්යවරයා අනාවරණය කළේය. එසේම, අනවශ්ය පොහොර වියදම් අවම කර ගැනීම සඳහා පස පරීක්ෂා කර පසේ ස්වභාවය හඳුනාගෙන අවශ්ය පොහොර පමණක් යෙදීමේ ක්රමවේදය මේ වන විට ආරම්භ කර ඇති අතර, ඒ සඳහා මේ වන විටත් පස් සාම්පල් 60,000කට අධික ප්රමාණයක් පරීක්ෂාවට ලක් කරමින් පවතින බව ද ඔහු සඳහන් කළේය.
