රුසියානු නයිට්රජන් පොහොර කර්මාන්තයට මෑත මාසවලදී එල්ල වූ යුක්රේන ඩ්රෝන ප්රහාර මගින් සැලකිය යුතු බලපෑමක් සිදුව ඇති බව රුසියානු බකවතු (Billionaire) සහ EuroChem පොහොර සමාගමේ නිර්මාතෘ ඇන්ඩ්රි මෙල්නිචෙන්කෝ (Andrei Melnichenko) ප්රකාශ කරයි.
පසුගිය පෙබරවාරි 25 වනදා රුසියාවේ විශාලතම පොහොර කර්මාන්ත ශාලාවක් වන Acron සමාගමට අයත් Dorogobuzh පෑලියට එල්ල වූ ඩ්රෝන ප්රහාරයකින් පුද්ගලයින් හත් දෙනෙකු මියගිය අතර එමගින් රුසියාවේ සමස්ත පොහොර නිෂ්පාදන ධාරිතාවෙන් 5%ක් තාවකාලිකව අඩාල විය. මෙම කර්මාන්ත ශාලාව ලබන මැයි මාසයේදී නැවත ක්රියාත්මක කිරීමට අපේක්ෂා කෙරේ. හෝමුස් සමුද්ර සන්ධිය අවහිර වීම නිසා ගෝලීය පොහොර වෙළඳාමෙන් තුනෙන් එකකට බාධා පැමිණ ඇති අතර ලෝක පොහොර වෙළඳාමෙන් පහෙන් එකකට හිමිකම් කියන රුසියාවට සිය නිෂ්පාදන ධාරිතාව ඉහළ නැංවීමට මෙම ප්රහාර සහ අපනයන සීමා හේතුවෙන් බාධා එල්ල වී තිබේ.
පොහොර හිඟය සහ මිල ඉහළ යාම හේතුවෙන් ලෝක ආහාර සුරක්ෂිතතාවය පිළිබඳව දැඩි අවදානමක් මතුව ඇති බව මොස්කව් නුවර පැවති සම්මන්ත්රණයකදී මෙල්නිචෙන්කෝ වැඩිදුරටත් සඳහන් කළේය.
