සහස්පුර, හල්ගහවත්ත ප්රදේශයේදී තියුණු ආයුධයකින් පහරදී පුද්ගලයෙකු ඝාතනය කිරීමේ සිද්ධියට සම්බන්ධ සැකකරුවන් දෙදෙනෙකු සහස්පුර පොලීසිය විසින් අත්අඩංගුවට ගෙන තිබේ.
ඉකුත් ජුනි 3 වැනිදා අලුයම මෙම කෲර ඝාතනය සිදුව තිබූ අතර, ඒ පිළිබඳව සහස්පුර පොලිස් ස්ථානයේ නිලධාරීන් කණ්ඩායමක් සිදුකළ දීර්ඝ විමර්ශනයකින් අනතුරුව ඊයේ (5) මෙම සැකකරුවන් කොටු කර ගැනීමට හැකි වී ඇත. මාදම්පිටිය ප්රදේශයේදී පොලිස් අත්අඩංගුවට පත්වන විට මෙම සැකකරුවන් අවුරුදු 21 සහ 23 යන වයස්වල පසුවන බොරැල්ල ප්රදේශයේම පදිංචිකරුවන් බව හඳුනාගෙන තිබේ. සිද්ධිය සම්බන්ධයෙන් සහස්පුර පොලීසිය වැඩිදුර විමර්ශන පවත්වාගෙන යනු ලබයි.
