සමගි ජන බලවේගය (SJB) පක්ෂය තුළ මේ වන විට බරපතළ අභ්යන්තර අර්බුදයක් සහ කඩාවැටීමක් නිර්මාණය වෙමින් පවතින බව ශ්රී ලංකා පොදුජන පෙරමුණේ ලේකම් සාගර කාරියවසම් මහතා අද (04) ප්රකාශ කළේය.
මාධ්ය වෙත අදහස් දක්වමින් ඔහු සඳහන් කළේ සජබ පක්ෂයේ තවත් ප්රබල දේශපාලනඥයෙකු නුදුරේදීම රජය සමඟ අත්වැල් බැඳගැනීමේ සූදානමක් පවතින බවයි. “සජබයේ ඉහළ පෙළේ නායකයින් කිහිපදෙනෙකුම මේ වන විටත් ආණ්ඩුව සමඟ සාකච්ඡා පවත්වමින් ඉන්නේ. එම පක්ෂයේ දේශපාලන ගමන් මග පිළිබඳව එහි සිටින ප්රබලයින් පවා කලකිරීමට පත්ව සිටිනවා,” යැයි කාරියවසම් මහතා පැවසීය.
විශේෂයෙන්ම විපක්ෂය විසින් සිදුකරන දේශපාලන විවේචන සහ ඔවුන්ගේ අභ්යන්තර තීරණ ගැනීමේ ක්රියාවලිය පිළිබඳව පවතින ගැටලු හේතුවෙන් තවදුරටත් එහි රැඳී සිටීමට බොහෝ පිරිසක් අකමැති බව ද ඔහු පෙන්වා දුන්නේය. ඉදිරි දින කිහිපය තුළ මෙම දේශපාලන සංක්රමණය සිදුවනු ඇති බවට ඉඟි පළ කළ ලේකම්වරයා, මෙය සජබය මුහුණ දෙන දැවැන්තම පසුබෑමක් වනු ඇති බව ද අවධාරණය කළේය.
කෙසේ වෙතත්, මෙම ප්රකාශය සම්බන්ධයෙන් සමගි ජන බලවේගයේ කිසිදු ප්රකාශකයෙකු මෙතෙක් නිල ප්රතිචාරයක් දක්වා නොමැති අතර, දේශපාලන ක්ෂේත්රය තුළ මේ පිළිබඳව දැඩි උණුසුම් කතාබහක් නිර්මාණය වී තිබේ.
