සෞඛ්යය සහ අධ්යාපනය මානව අයිතිවාසිකම් බවට පත්කිරීමෙන් ආර්ථව දරිද්රතාවය (Period Poverty) ඇතුළු සමස්ත පුරවැසියාගේ සෞඛ්ය ගැටලුවලට තිරසර විසදුම් දිය හැකි බව විපක්ෂ නායක සජිත් ප්රේමදාස මහතා පවසයි. අද (28) කොළඹදී පැවැති විශේෂ හමුවකදී ඒ මහතා පෙන්වා දුන්නේ මෙරට ඔසප් වයසේ පසුවන කාන්තාවන් ලක්ෂ 42න් 70%කටම (ලක්ෂ 30කට) නිවැරදි ඔසප් කළමනාකරණ පහසුකම් නොමැති බවයි. මේ නිසා දැරියන් 50-60%ක් අතර ප්රමාණයක් ඔසප් දිනවලදී පාසල් නොයන අතර, එය රටේ දළ දේශීය නිෂ්පාදිතයට (GDP) සහ ශ්රම බළකායට ද සෘජුවම බලපායි.
රජය පාසල් දැරියන්ට සනීපාරක්ෂක භාණ්ඩ ලබා දෙන අතරතුර, මේවා සඳහා 15%ක සාමාන්ය රේගු බද්ද, 18%ක වැට් බද්ද, 10%ක PAL බද්ද, 15%ක සෙස් බද්ද සහ 2.5%ක SSCL බද්ද ඇතුළු බදු වර්ග 5ක් පනවා ඇති බව විපක්ෂ නායකවරයා අනාවරණය කළේය. ඉන්දියාව, බංගලාදේශය, එක්සත් රාජධානිය වැනි රටවල් මෙම බදු ඉවත් කර ඇති බැවින් ලංකාව ද වහාම මෙම බදු ඉවත් කළ යුතු බවත්, අඩු මිලැති සනීපාරක්ෂක පහසුකම් දේශීයව නිෂ්පාදනය කිරීම හරහා නව රැකියා අවස්ථා බිහිකළ යුතු බවත් සජිත් ප්රේමදාස මහතා වැඩිදුරටත් කියා සිටියේය.
