ප්රජාතන්ත්රවාදය ශක්තිමත් කිරීම සඳහා විධායක ජනාධිපති ක්රමය වහාම අහෝසි කරන ලෙස විපක්ෂ නායක සජිත් ප්රේමදාස මහතා අවධාරණය කරයි. කොළඹදී මාධ්ය හමුවක් පවත්වමින් ඔහු මේ බව ප්රකාශ කළේය.
ප්රජාතන්ත්රවාදයේ කුළුණු තුන වන විධායකය, ව්යවස්ථාදායකය සහ අධිකරණය අතුරින් අධිකරණය සුවිශේෂී කාර්යභාරයක් ඉටු කරන බවත්, ඊට අමතරව ස්වාධීන මාධ්ය සහ සිවිල් සමාජය ප්රජාතන්ත්රවාදය රැකගැනීමේ අමතර කුළුණු දෙකක් බවත් ඔහු පෙන්වා දුන්නේය.වර්තමාන රජය අධිකරණයට බලපෑම් කරමින් සිටින බවට චෝදනා කළ විපක්ෂ නායකවරයා, උපරිමාධිකරණ විනිසුරුවරුන්ගේ විශ්රාම වයස වැඩි කිරීමට කටයුතු කිරීම සහ උපරිමාධිකරණවල පුරප්පාඩු පිරවීමට පියවර නොගැනීම විනිසුරුවරුන්ගේ ස්වාධීනත්වයට දැවැන්ත බලපෑමක් බව පැවසීය. ප්රජාතන්ත්රවාදය කෙලෙසීමට රජය දරන මෙම උත්සාහය තමන් දැඩි ලෙස ප්රතික්ෂේප කරන බවද සජිත් ප්රේමදාස මහතා වැඩිදුරටත් සඳහන් කළේය.
