ජාත්යන්තර නාවිකයන්ගේ දිනයට සමගාමීව, ශ්රී ලංකා සමාජ ආරක්ෂණ මණ්ඩලය සහ වෙළෙඳ නාවික ලේකම් කාර්යාලය එක්ව ක්රියාත්මක කරන ‘නාවිකයා’ සමාජ ආරක්ෂණ යෝජනා ක්රමය නිල වශයෙන් ඩිජිටල්කරණය කෙරිණි. මෙම වැඩසටහන ඊයේ (25) බණ්ඩාරනායක ජාත්යන්තර අනුස්මරණ සම්මන්ත්රණ ශාලාවේදී පැවැත්විණි.
නව ඩිජිටල් ක්රමවේදයේ විශේෂාංග සහ ප්රතිලාභ:
ශ්රී ලංකා සමාජ ආරක්ෂණ මණ්ඩලයේ නිල වෙබ් අඩවිය (www.ssb.gov.lk) හරහා නව මාර්ගගත පද්ධතියට පිවිසිය හැකිය. මේ හරහා සාගරයේ හෝ විදේශ වරායක රාජකාරියේ නිරත නාවිකයන්ට බාධාවකින් තොරව ක්ෂණිකව මෙම යෝජනා ක්රමය සමඟ සම්බන්ධ වීමට අවස්ථාව සැලසේ.
ජාත්යන්තර කම්කරු සංවිධානයේ සමුද්රීය කම්කරු සම්මුති ප්රමිතීන්ට අනුකූලව සකස් කර ඇති මෙය, කාර්යබහුල නාවිකයන්ගේ ජීවන රටාවට ගැලපෙන පරිදි නම්යශීලී ගෙවීම් ක්රමවේද යටතේ ක්රියාත්මක වේ. මෙම යෝජනා ක්රමය යැපෙන්නන්ගේ රැකවරණය සඳහා වූ ප්රතිලාභ, අකර්මණ්යවීමකදී අවශ්ය රැකවරණය, සහ රැකියා ආශ්රිත හෝ ඉන් පරිබාහිරව සිදුවන අබලතා සඳහා වන ප්රතිලාභ ඇතුළු සේවාවන් රැසකින් සමන්විත වේ.
මෙම ඩිජිටල්කරණය මගින් මීට පෙර පැවති සංකීර්ණ ලිපි ලේඛන බාධා ඉවත් වන අතර, නාවිකයන්ට තම සමාජ ආරක්ෂණ සැලසුම් ඉතා පහසුවෙන් ආරම්භ කිරීමට හා පවත්වාගෙන යෑමට ඍජුවම හැකියාව ලැබේ.
