ජාතික පොලිස් කොමිසමේ අනුමැතියට යටත්ව උසස් පොලිස් නිලධාරීන් කිහිප දෙනෙකුට ස්ථාන මාරුවීම් ලබා දීමට පොලිස් මූලස්ථානය පියවර ගෙන තිබේ.
ඒ අනුව විශේෂ කාර්යාංශයේ සිටි ජ්යෙෂ්ඨ නියෝජ්ය පොලිස්පති සම්පත් කුමාර මහතා නැගෙනහිර පළාත දක්වා මාරු කර යවා ඇති අතර, දකුණු පළාත භාර ජ්යෙෂ්ඨ නියෝජ්ය පොලිස්පති ලෙස කටයුතු කළ කිත්සිරි ජයලත් මහතා සබරගමු පළාත භාර ජ්යෙෂ්ඨ නියෝජ්ය පොලිස්පති ලෙස මාරු කර ඇත. මීට අමතරව, නැගෙනහිර පළාත භාරව කටයුතු කළ ජ්යෙෂ්ඨ නියෝජ්ය පොලිස්පති වරුණ ජයසුන්දර මහතාට ළමා හා කාන්තා කාර්යාංශයට අමතරව පුහුණු හා උසස් පුහුණු තනතුරේ වැඩ බැලීම සඳහා පත් කර ඇති අතර, විශේෂ ආරක්ෂක තනතුරේ සිටි ජ්යෙෂ්ඨ නියෝජ්ය පොලිස්පති කේ.පී. කරුණානායක මහතා උතුරු පළාත භාර ජ්යෙෂ්ඨ නියෝජ්ය පොලිස්පති ලෙස මාරු කර යැවීමට කටයුතු කර තිබේ.
මෙම ජ්යෙෂ්ඨ නිලධාරීන්ගේ මාරුවීම්වලට අමතරව සහකාර පොලිස් අධිකාරීවරුන් 6 දෙනෙකුටද ස්ථාන මාරුවීම් ලබා දී ඇති අතර, ඉන් ගාල්ල දිසා අපරාධ කොට්ඨාසයේ අධ්යක්ෂ ලෙස කටයුතු කළ සහකාර පොලිස් අධිකාරී නාමල් පෙරේරා මහතා එම තනතුරෙන් පොලිස් ක්ෂේත්ර බළකාය වෙත මාරු කර යවා ඇත.
