සර්බියාවේ ‘ඩෙලිබ්ලැට්ස්කා පෙස්කාරා’ (Deliblatska Pescara) රක්ෂිතයේ හටගත් විනාශකාරී ලැව්ගිනිවලින් පසුව, අනාගතයේදී ඇතිවිය හැකි අධික උෂ්ණත්වයන්ට සහ කාලගුණික අභියෝගවලට ඔරොත්තු දෙන පරිදි එම වනාන්තර පද්ධතිය නැවත ස්ථාපනය කිරීමට සර්බියානු වනාන්තර විද්යාඥයින් සහ නිලධාරීන් පියවර ගනිමින් සිටිති.
බෙල්ග්රේඩ් අගනුවරට කිලෝමීටර් 80ක් පමණ ඈතින් පිහිටි මෙම අභයභූමියේ දශක ගණනාවක් පුරා පැවැති කළු පයින් (Black pine) වැනි පහසුවෙන් ගිනිගන්නා සුළු ශාක වෙනුවට, අළු (Ash), බර්ච් (Birch), පොප්ලර් (Poplar) සහ ඕක් (Oak) වැනි දැඩි උණුසුම හමුවේ ආරක්ෂිත ශාක ප්රභේද වගා කිරීමට යෝජනා වී තිබේ. යුරෝපීය වනාන්තර ආයතනයේ (EFI) විශේෂඥයින් පෙන්වා දෙන්නේ ක්ෂණිකව ශාක රෝපණය නොකර වසර 3-5ත් අතර කාලයක් පස සහ පරිසර පද්ධතිය නිරීක්ෂණය කළ යුතු බවයි. යුරෝපීය ලැව්ගිනි තොරතුරු පද්ධතියට (EFFIS) අනුව 2023 – 2025 කාලය සර්බියානු ඉතිහාසයේ දරුණුතම ලැව්ගිනි වාර්තා වූ කාලපරිච්ඡේදය ලෙස හඳුන්වා දී ඇත.
තොරතුරු උපුටා ගැනීම: Reuters ඇසුරින්
