සිද්ධාලේප සමූහයේ දිවංගත නිර්මාතෘ, ආචාර්ය වික්ටර් හෙට්ටිගොඩ මහතාගේ සංකල්පයකට අනුව, කතරගම කිරිවෙහෙර රාජමහා විහාරය වෙත පිවිසෙන ඓතිහාසික මාර්ගයේ පිහිටි මල් අසන සංකීර්ණය නවීන පහසුකම් සහිතව යළි ප්රතිනිර්මාණය කර ජනතා අයිතියට පත් කර තිබේ.
1980 දශකයේදී දේශබන්ධු ආචාර්ය වික්ටර් හෙට්ටිගොඩ මහතා විසින් ප්රදේශයේ කාන්තාවන්ගේ ආර්ථික ස්වයංපෝෂිතභාවය සහ ජීවන තත්ත්වය නංවාලීමේ අරමුණින් මෙම මල් අසන සංකීර්ණය ආරම්භ කරන ලද අතර, ඔහුගේ සංවත්සරික ගුණ සමරුවක් ලෙස ශ්රී ලංකා නාවික හමුදාවේ සහ ජාතික භෞතික සැලසුම් දෙපාර්තමේන්තුවේ දායකත්වයෙන් මෙම නවීකරණ කටයුතු සිදු කර ඇත. කිරිවෙහෙර විහාරාධිකාරී පූජ්ය කොබවක ධම්මින්ද නායක හිමියන්ගේ ප්රධානත්වයෙන් පැවති මෙම විවෘත කිරීමේ උත්සවයට සිද්ධාලේප සමූහයේ සභාපති අසෝක හෙට්ටිගොඩ මහතා ඇතුළු අධ්යක්ෂ මණ්ඩලය මෙන්ම රාජ්ය හා ආරක්ෂක අංශ ප්රධානීන් පිරිසක්ද එක්වී සිටියහ.
