හෙක්ටයාර 36,500ක් පුරා විහිදෙන සිංහරාජ ලෝක උරුම වනාන්තරයේ වෙසෙන එකම අලියා වන “සිංහරාජා” (පණු කොටා) පිළිබඳව බීබීසී සිංහල සේවය වාර්තා කර ඇත. අතීතයේ මෙම වනාන්තරයේ අලි 35ක පමණ සංඛ්යාවක් ජීවත් වුවද, අද වන විට ඉතිරිව ඇත්තේ මෙම අලියා පමණි.
මෙම අලියාගේ විශේෂ තොරතුරු කිහිපයක් පහත පරිදි වේ. අතීතයේ මීට වසර 10කට පමණ පෙර සිංහරාජයේ අලි තුන් දෙනෙකු වාර්තා වී තිබූ අතර, ඊට පෙර ඔහු සමඟ සිටි සෙසු අලි පිළිබඳව කිසිදු තොරතුරක් නොමැත. මින් එක් කෙනරක් ගල්කුලකින් ඇද වැටී මිය ගිය බවට ද අනාවරණය වී ඇත. සිංහරාජාගේ හැසිරීම් රටාව සොයා ගැනීමට 2019 වසරේදී රේඩියෝ කරපටියක් පළඳවා තිබුණද, දත්ත ලැබීම අවහිර වීම හේතුවෙන් 2026 මාර්තු මාසයේදී එය ඉවත් කෙරිණි. ඔහු මෑතකදී ඉළුඹකන්ද ප්රදේශයේ සැරිසරා ඇති බව වාර්තා වේ.
වයස අවුරුදු 40ත් 50ත් අතර පසුවන මෙම අලියා වර්තමානයේ සෞඛ්ය සම්පන්නව සිටින බව වනජීවී සංරක්ෂණ දෙපාර්තමේන්තුවේ පශු වෛද්ය මාලක අබේවර්ධන මහතා පවසයි. පසුගිය කාලසීමාව තුළ සිංහරාජයේ අලි පහරදීම් හේතුවෙන් පුද්ගලයින් 12 දෙනෙකු ජීවිතක්ෂයට පත්ව තිබේ.
