ඉන්දීය සංචාරකයන් යනු අඩු මුදලක් වියදම් කරන පිරිසක් ලෙස සමාජයේ පවතින මතය වැරදි බවත්, වර්තමානය වන විට ඔවුන් ලංකාවට පැමිණෙන සාමාන්ය සංචාරකයෙකුට වඩා දිනකට වැඩි මුදලක් වියදම් කරන බවත් ශ්රී ලංකා සංචාරක සංවර්ධන අධිකාරියේ (SLTDA) සභාපති බුද්ධික හේවාවසම් මහතා පවසයි.
මාධ්ය හමුවකට එක්වෙමින් සභාපතිවරයා පෙන්වා දුන්නේ ලංකාවට පැමිණෙන සාමාන්ය සංචාරකයෙකු දිනකට වියදම් කරන මුදල ඇමෙරිකානු ඩොලර් 148ක් වන විට, ඉන්දීය සංචාරකයෙකු දිනකට වියදම් කරන සාමාන්ය මුදල ඩොලර් 154ක් දක්වා ඉහළ ගොස් ඇති බවයි. මෙය ඇතැම් යුරෝපීය සංචාරකයන්ගේ දිනක වියදමට වඩා වැඩි අගයකි. ඉන්දියාවේ සාම්ප්රදායික වෙළෙඳපොළෙන් ඔබ්බට ගොස් ගුජරාට් ප්රාන්තයේ අහමදාබාද් සහ රාජ්කොට් වැනි නගර මෙන්ම මුම්බායි, නවදිල්ලිය සහ දකුණු ඉන්දියාව ඉලක්ක කරගනිමින් සංචාරක ප්රවර්ධන වැඩසටහන් පුළුල් කර ඇති බවත්, ඉහළ ආදායම් ලබන සංචාරකයන් ආකර්ෂණය කරගැනීම සඳහා ඉන්දියානු මංගල උත්සව (Wedding Tourism) මෙරට පැවැත්වීමට අවශ්ය කටයුතු සූදානම් කරමින් පවතින බවත් හේවාවසම් මහතා වැඩිදුරටත් සඳහන් කළේය.
