මොරොක්කෝවේ සිට මුහුදේ පිහිනමින් සහ කටුකම්බි වැටලමින් ස්පාඤ්ඤයේ උතුරු අප්රිකානු පෙදෙසක් වන සියුටා (Ceuta) දේශසීමාව අතික්රමණය කරමින් සංක්රමණිකයන් 2,000ත් 3,000ත් අතර පිරිසක් එරටට කඩා වැදී තිබේ.
පවතින හදිසි තත්ත්වය පාලනය කිරීම සඳහා ස්පාඤ්ඤ රජය විසින් හමුදා සහය සහ විශේෂ නාවික හා කිමිදුම් ඒකක දේශසීමාව වෙත යැවීමට පියවර ගෙන ඇත. දේශීය ආරක්ෂක අංශ සම්පූර්ණයෙන්ම අසරණ වී ඇති බැවින් ප්රදේශයේ ව්යාපාරිකයන් ද සිය දේපළ ආරක්ෂා කරගැනීම සඳහා ස්වේච්ඡාවෙන් සංවිධානය වීමට පටන් ගෙන තිබේ.
මෑතකදී ස්පාඤ්ඤ රජය විසින් ක්රියාවට නංවන ලද සංක්රමණිකයන් නීතිගත කිරීමේ වැඩපිළිවෙළ සහ මහාධිකරණ තීන්දුවක් හේතුවෙන් මෙම දැවැන්ත සංක්රමණික ගලායාම හටගෙන ඇති බවට දේශපාලන විරුද්ධවාදීන් අගමැති පෙඩ්රෝ සැන්චෙස් වෙත දැඩි චෝදනා එල්ල කරමින් සිටී. කෙසේ වෙතත්, නීතිවිරෝධී ලෙස ඇතුළුවන සියලු දෙනා වහාම රටින් පිටුවහල් කරන බව ස්පාඤ්ඤ අභ්යන්තර කටයුතු අමාත්යාංශය අවධාරණය කර ඇත.
තොරතුරු උපුටා ගැනීම: Reuters ඇසුරින්
