ලාඕසයේ මධ්යම ෂයිසොම්බෝන් (Xaysomboun) පළාතේ පිහිටි භූගත ගුහාවක දින 10කට ආසන්න කාලයක් සිරවී සිටි පිරිසක් මුදාගැනීමේ විශේෂ මෙහෙයුමක් ආරම්භ කර තිබේ. රත්රං සෙවීම සඳහා පසුගිය මැයි 20 වන දින මෙම ගුහාවට ඇතුළු වූ ගම්වැසියන් 7 දෙනෙකුගෙන් යුත් කණ්ඩායමක්, පසුව ඇද හැලුණු ධාරාණිපාත වර්ෂාව සහ නායයෑම් හේතුවෙන් ගුහා දොරටුව වැසී යාම නිසා ඇතුළත සිරවී ඇත.
මෙම කණ්ඩායමෙන් එක් අයෙකු තනිවම ගුහාවෙන් පිටතට පැමිණ බලධාරීන්ට දැනුම් දීමෙන් පසුව මෙම මුදාගැනීමේ මෙහෙයුම ක්රියාත්මක විය. අදාළ පිරිස මීටර් 300ක් (අඩි 984ක්) පමණ ගැඹුරේ සිරවී සිටින අතර, තවත් සිව්දෙනෙකු ජීවතුන් අතර සිටින බව වාර්තා වේ. කෙසේ වෙතත්, තවත් දෙදෙනෙකු අතුරුදහන්ව ඇති බව තහවුරු වී ඇත.
මෙම මෙහෙයුම සඳහා 2018 වසරේ තායිලන්තයේ “තම් ලුඇන්ග්” (Tham Luang) ගුහාවේ සිරවූ පිරිස බේරාගත් ලෝක ප්රකට සහන සේවා ප්රවීණයන් කිහිප දෙනෙකු ද එක්ව සිටියි. සහන කණ්ඩායම් විසින් ගුහාව තුළ රැඳී ඇති ජලය දිවා රෑ නොබලා පිටතට පොම්ප කරමින් සිරවී සිටින පිරිස බේරා ගැනීමට දැඩි පරිශ්රමයක් දරමින් සිටී.
