පාස්කු ඉරුදින ත්රස්ත ප්රහාරය සිදුවී වසර 07ක් පිරීම නිමිත්තෙන් කොච්චිකඩේ ශාන්ත අන්තෝනි දේවස්ථානයේ හෙට (අප්රේල් 21) පැවැත්වෙන විශේෂ අනුස්මරණ දේව මෙහෙය වෙනුවෙන් විශේෂ රථවාහන සැලැස්මක් ක්රියාත්මක කරන බව පොලීසිය නිවේදනය කරයි.
හෙට උදෑසන 7.00 සිට දේව මෙහෙය අවසන් වන තෙක් දේවස්ථානය අවට මාර්ගවල රථවාහන ගමනාගමනය අවස්ථානුකූලව සීමා කිරීමට පියවර ගන්නා බව පොලිස් මූලස්ථානය සඳහන් කරයි. ඒ අනුව කොළඹ කොටුව සහ මෝදර දෙසින් පැමිණෙන රථවාහන සඳහා විකල්ප මාර්ග භාවිත කරන ලෙසට පොලීසිය රියදුරන්ගෙන් ඉල්ලා සිටියි.
මෙම විශේෂ දේව මෙහෙය සඳහා විශාල බැතිමතුන් පිරිසක් සහ ආගමික නායකයින් සහභාගී වීමට නියමිත බැවින් ප්රදේශයේ ආරක්ෂාව ද තර කර ඇති බව වාර්තා වේ. හෙට දින කොළඹ නගරයට ඇතුළු වන සහ පිටවන ජනතාවට මෙම රථවාහන සීමා කිරීම් හේතුවෙන් සිදුවන ප්රමාදයන් වළක්වා ගැනීමට කල්වේලා ඇතිව ගමන් ආරම්භ කරන ලෙස පොලීසිය වැඩිදුරටත් දැනුම් දෙයි.
