නවීන ජෛව තාක්ෂණය මඟින් නිපදවන ජාන විකරණය කරන ලද ජීවීන් (GMO/LMO) පරිසරයට, ජෛව විවිධත්වයට සහ මිනිස් සෞඛ්යයට සිදු කරන අවදානම අවම කිරීම වෙනුවෙන් සකස් කළ ‘ජෛව සුරක්ෂිතතා පනත් කෙටුම්පත’ පිළිබඳ මාධ්ය දැනුවත් කිරීමක් පරිසර අමාත්ය වෛද්ය දම්මික පටබැඳි මහතාගේ ප්රධානත්වයෙන් පවත්වා තිබේ. රජයේ “තිරසර ජෛව ගෝලයක – සදාහරිත ජීවිතයක්” ප්රතිපත්තිය යටතේ ක්රියාත්මක වන මෙම පනත මඟින් ජාන විකරණය කළ ජීවීන්ගේ ආනයනය, අපනයනය, පර්යේෂණ සහ වාණිජ භාවිතය විද්යාත්මක පදනමක් මත නියාමනය කෙරේ. මෙහිදී මධ්යම පරිසර අධිකාරිය ‘ජාතික බලය ලත් අධිකාරිය’ ලෙස කටයුතු කරමින් අවදානම් තක්සේරු කිරීම්, බලපත්ර නිකුත් කිරීම් සහ නීතිය බලාත්මක කිරීම් සිදු කිරීමට නියමිතය. ශ්රී ලංකාව 1994 දී අත්සන් තැබූ ජෛවවිවිධත්ව සම්මුතියේ ජාත්යන්තර බැඳීම් ඉටු කිරීමටත්, දේශීය කෘෂිකර්මාන්තය සහ පරිසර පද්ධති ආරක්ෂා කිරීමටත් මෙම පනත මඟින් ඉහළ දායකත්වයක් ලැබෙනු ඇතැයි පරිසර අමාත්යංශය පවසයි.
