එංගලන්තයට එරෙහිව ලැබූ වාර්තාගත ජයග්‍රහණයෙන් පසු ශ්‍රී ලංකා කණ්ඩායම ජාත්‍යන්තර ක්‍රිකට් කවුන්සිලයේ (ICC) එක්දින ජාත්‍යන්තර කණ්ඩායම් ශ්‍රේණිගත කිරීම්වල හයවැනි ස්ථානයට පැමිණ තිබේ.
පාකිස්තානයේ රාවල්පිණ්ඩි ක්‍රීඩාංගණයේදී ඔක්තෝබර් 22 වැනිදා පැවති තරගයේදී එංගලන්තය ලකුණු 429ක් රැස් කළේ කඩුලු 4ක් දැවී යමිනි. පිළිතුරු ඉනිම ක්‍රීඩා කළ ශ්‍රී ලංකාව පන්දුවක් ඉතිරිව තිබියදී කඩුලු 8ක් දැවී ලකුණු 430ක් ලබා ගනිමින් කඩුලු 2ක ජයක් හිමිකර ගත්තේය.
මෙම හඹායාමට ප්‍රධාන දායකත්වයක් ලබාදුන් පවන් රත්නායක පන්දු 106කදී ලකුණු 130ක් රැස් කළේ හතරේ පහර 15ක් සහ හයේ පහර 3ක් සමඟිනි. ඔහු තරගයේ වීරයා ලෙස ද තේරී පත්විය.
එම තරගයේදී දසුන් ශානක සහ අවිශ්ක ප්‍රනාන්දු ද ලකුණු 97 බැගින් රැස් කළ අතර, ජනිත් ලියනගේ පන්දු 27කදී නොදැවී ලකුණු 61ක් ලබා ගනිමින් ශ්‍රී ලංකා ජයග්‍රහණය තහවුරු කිරීමට දායක විය.
මේ අතර, පවන් රත්නායකගේ ඉනිම රාවල්පිණ්ඩි ක්‍රීඩාංගණයේ නිල ගෞරව පුවරුවට ඇතුළත් කර ඇති බවට ද වාර්තා පළ වී තිබේ. තරගයෙන් පසු ශ්‍රී ලංකා ක්‍රීඩකයන් ක්‍රීඩාගාරය පිරිසිදු කළ බවට පළ වූ වාර්තාව ද සමාජ මාධ්‍යයේ අවධානයට ලක්ව ඇත.
