ශ්රී ලංකා ක්රිකට් ආයතනය සඳහා සකස් කරන ලද නව ව්යවස්ථා කෙටුම්පත තරුණ කටයුතු හා ක්රීඩා අමාත්ය සුනිල් කුමාර ගමගේ මහතා වෙත භාරදී ඇති බව ශ්රී ලංකා ක්රිකට් පරිවර්තන කමිටුවේ සභාපති එරාන් වික්රමරත්න මහතා පැවැසීය.
ශ්රී ලංකා ක්රිකට් මූලස්ථානයේ පැවැති මාසික මාධ්ය හමුවේදී හෙතෙම මේ බව අනාවරණය කළ අතර, මෙහිදී ඡන්ද සංඛ්යාව 60 සිට 39 දක්වා අඩු කර ඇති අතර විධායක සභාවේ සාමාජිකයන් සංඛ්යාව 14 දක්වා සීමා කර තිබේ. ජාත්යන්තර ක්රිකට් කවුන්සිලයේ (ICC) අවශ්යතා සහ ශ්රී ලංකාවේ නීතිමය විධිවිධාන සැලකිල්ලට ගනිමින් පුළුල් සාකච්ඡා වලින් අනතුරුව මෙම නව ව්යවස්ථාව සකස් කර ඇත.
මෙම කෙටුම්පත ගැසට් නිවේදනයක් ලෙස ප්රකාශයට පත් කර රජය මඟින් පාර්ලිමේන්තුවට ඉදිරිපත් කිරීමට නියමිත අතර, ඉදිරියේදී කළමනාකරණ හා මූල්ය ප්රතිසංස්කරණ වෙත වැඩි අවධානයක් යොමු කරන බවද වික්රමරත්න මහතා සඳහන් කළේය.
