පවතින වියළි කාලගුණ තත්ත්වය හේතුවෙන් පීඩාවට පත් දිස්ත්රික්ක 7 ක ප්රාදේශීය ලේකම් කොට්ඨාස 35 ක් සඳහා තවදුරටත් පානීය ජලය බෙදා හරිමින් පවතින බව ආපදා කළමනාකරණ මධ්යස්ථානය පවසයි.
මෙම වියළි කාලගුණය නිසා පවුල් 35,149 කට අයත් පුද්ගලයින් 115,534 දෙනෙකුට බලපෑම් එල්ල වී ඇති අතර, මේ වන විට එම ප්රදේශවල පුද්ගලයින් 113,354 කට පානීය ජලය ලබා දීමට පියවර ගෙන තිබේ. මින් වැඩිම බලපෑමක් සිදුව ඇත්තේ මොනරාගල දිස්ත්රික්කයට වන අතර, එහි ප්රාදේශීය ලේකම් කොට්ඨාස 8 ක පවුල් 12,732 කට අයත් පුද්ගලයින් 41,360 දෙනෙකු සඳහා පානීය ජලය බෙදා හැර ඇත.
මීට අමතරව, මඩකලපුව දිස්ත්රික්කයේ පුද්ගලයින් 33,394 කට සහ බදුල්ල දිස්ත්රික්කයේ පුද්ගලයින් 20,418 කට අමතරව අම්පාර, අනුරාධපුරය, පොළොන්නරුව සහ රත්නපුර යන දිස්ත්රික්කවල ජනතාවටද මෙම වියළි කාලගුණ තත්ත්වයෙන් බලපෑම් එල්ල වී ඇති බව ආපදා කළමනාකරණ මධ්යස්ථානය වැඩිදුරටත් සඳහන් කරයි.
