නැගෙනහිර පළාතේ සිදුවන නීති විරෝධී ඉඩම් අල්ලා ගැනීම්, අනවසර ඉඩම් ගොඩ කිරීම් සහ වෙරළ ආශ්රිත අනවසර ඉදිකිරීම් වැළැක්වීම සඳහා විශේෂ වැඩපිළිවෙළක් ක්රියාත්මක කිරීමට අමාත්ය මණ්ඩල අනුමැතිය හිමිව තිබේ. ජනාධිපතිවරයා විසින් ඉදිරිපත් කළ යෝජනාවකට අනුව මෙම පියවර ගෙන ඇත.
මෙම ගැටලුවලට කඩිනම් විසඳුම් ලබාදීම සහ ආයතන අතර සම්බන්ධීකරණය ශක්තිමත් කිරීම සඳහා විශේෂ කමිටුවක් පත් කිරීමට නියමිතය. දකුණු පළාතේ හිටපු ඉඩම් කොමසාරිස් සහ වර්තමාන දකුණු පළාත් පාලන කොමසාරිස් සේනක පල්ලියගුරුගේ මහතා මෙම කමිටුවේ සභාපතිත්වය දරනු ලබන අතර, අදාළ රාජ්ය ආයතන නියෝජනය කරන සාමාජිකයන් ද ඊට ඇතුළත් වේ. දේශපාලන බලය හෝ හිතවත්කම් භාවිත කරමින් සිදුකරන මෙවැනි අනවසර ක්රියා වැළැක්වීම සඳහා නියෝජ්ය පොලිස්පතිවරයෙකුගේ ප්රධානත්වයෙන් යුත් විශේෂ පොලිස් ඒකකයක් පිහිටුවීමට ද තීරණය කර ඇත.
තවද, ශ්රී ලංකා මහවැලි අධිකාරිය මගින් මීට පෙර වාණිජ අරමුණු සඳහා ලබාදී මෙතෙක් ව්යාපෘති ක්රියාත්මක නොකළ ඉඩම් රජයට පවරා ගැනීමට තීරණය කර තිබේ. එලෙස පවරා ගන්නා ඉඩම් ප්රාදේශීය ලේකම්වරුන් හරහා ප්රදේශයේ ජනතාවගේ සංවර්ධන කටයුතු සඳහා විධිමත් ක්රමවේදයකට අනුව භාවිත කිරීමට නියමිතය. නැගෙනහිර වෙරළ තීරයේ පාරිසරික පද්ධතිය ආරක්ෂා කරමින් සංචාරක කර්මාන්තය ප්රවර්ධනය කිරීමට ද විශේෂ සැලැස්මක් සකස් කෙරේ.
