ඔස්ට්රියාවේ ටිරෝල් (Tyrol) ප්රාන්තයේ ශ්රී ලංකා ගෞරව කොන්සල්වරයා ලෙස කටයුතු කරන ක්රිස්ටියන් ස්ටෙපන් (Christian Steppan) මහතාගේ සේවා කාලය දීර්ඝ කිරීමට පියවර ගෙන තිබේ.
එම සේවා කාලය දීර්ඝ කිරීමේ නිල ලිපිය එරට ශ්රී ලංකා තානාපතිනි සහ නිත්ය නියෝජිත දයානි මෙන්ඩිස් මහත්මිය විසින් ඔහු වෙත පිළිගන්වා ඇත. මෙම හමුවේදී දෙරට අතර ද්විපාර්ශ්වික සබඳතා ශක්තිමත් කිරීම, සංස්කෘතික හුවමාරුව සහ විශේෂයෙන්ම සංචාරක හා ආගන්තුක සත්කාරක ක්ෂේත්රයන්හි වෘත්තීයමය සහයෝගිතාව වර්ධනය කිරීම සම්බන්ධයෙන් සාකච්ඡා කර තිබේ. මීට අමතරව, ටිරෝල් ප්රාන්තය තුළ ශ්රී ලංකාවේ ප්රසිද්ධිය ඉහළ නැංවීමට සහ ව්යාපාරික සබඳතා ප්රවර්ධනය කිරීමට ද යෝජනා ඉදිරිපත් වී ඇත.
