පවතින ආර්ථික යථාර්ථයන් සැලකිල්ලට ගනිමින්, පුද්ගල ආදායම් බදු අය කරනු ලබන උපරිම බදු ප්රතිශතය වන 36%ට යටත් වන ආදායම් සීමාව තවදුරටත් ඉහළ නැංවිය හැකිද යන්න පිළිබඳව රජය විශේෂ අධ්යයනයක නිරත වන බව කම්කරු අමාත්ය සහ මුදල් හා ක්රමසම්පාදන නියෝජ්ය අමාත්ය ආචාර්ය අනිල් ජයන්ත ප්රනාන්දු මහතා පවසයි.
ඒ අනුව, දැනට පවතින 36%ක උපරිම බද්දට යටත් වන මාසික ආදායම් සීමාව රුපියල් ලක්ෂ 5, 6 හෝ 7.5ක් දක්වා ඉහළ නැංවීම කෙරෙහි රජයේ අවධානය යොමුව ඇති බව ඔහු අනාවරණය කළේය. වත්මන් රජය බලයට පත්වන විට රුපියල් ලක්ෂයක මට්ටමේ පැවති පුද්ගල ආදායම් බදු අය කිරීමේ ආරම්භක සීමාව, ජනතාව මුහුණ දෙන ආර්ථික දුෂ්කරතා සලකා බලා මේ වන විට රුපියල් එක්ලක්ෂ පනස්දහස දක්වා ඉහළ නැංවීමට පියවර ගත් බවද අමාත්යවරයා වැඩිදුරටත් සඳහන් කළේය.
