ශ්රී ලංකාව මේ වන විට ඉහළ මැදි ආදායම් ලබන රටක තත්ත්වයට පත්ව ඇතැයි කම්කරු ඇමැති හා මුදල් හා ක්රමසම්පාදන නියෝජ්ය ඇමැති ආචාර්ය අනිල් ජයන්ත ප්රනාන්දු පාර්ලිමේන්තුවේදී පවසා තිබේ. ආනයන හා අපනයන පාලන පනත යටතේ රෙගුලාසි සම්බන්ධයෙන් පැවති විවාදයට එක් වෙමින් ඔහු මේ බව සඳහන් කළේය.
එහිදී වැඩිදුරටත් අදහස් දැක්වූ නියෝජ්ය අමාත්යවරයා සඳහන් කළේ ලෝකයේ වෙනත් පාර්ශ්වයන් ගන්නා තීන්දු නිසා අපේ අපනයන වෙළෙඳපළටද බලපෑම් එල්ල වන බවයි. ඇමරිකාව තීරුබදු පැනවීම මීට එක් අවස්ථාවක් වන අතර, සියයට 47ක එම බද්ද සියයට 30 සහ 20 දක්වා අඩු කර ගැනීමට කටයුතු කළ බව ඔහු පැවසීය. කෙසේ වෙතත්, බලහත්කාරී ශ්රමය භාවිත කරමින් භාණ්ඩ නිෂ්පාදනය කිරීම සම්බන්ධයෙන් ඇමරිකාව මැදිහත් වීමක් කර ඇති බැවින්, ශ්රී ලංකාව සම්බන්ධයෙනුත් යම් අවදානමක් පැවතිය හැකි බව ඔහු පෙන්වා දුන්නේය.
රට තුළ නිෂ්පාදන ක්රියාවලියේදී බලහත්කාරී හෝ ළමා ශ්රමය කිසිදු ආකාරයකින් යොදාගෙන නැති බවත්, නිෂ්පාදන සඳහා අමුද්රව්ය ගෙන ඒමේදී බලහත්කාරී ශ්රමයට සම්බන්ධ ඒවා ආනයනය තහනම් කිරීමට පියවර ගෙන ඇති නිසා අපනයනකරුවන්ට විශේෂ වාසියක් ලැබී ඇති බවත් හෙතෙම සඳහන් කළේය. මෙම පවතින තත්ත්වය මත ජීඑස්පී ප්ලස් (GSP Plus) අයදුම්පත නැවත ඉදිරිපත් කිරීමට කටයුතු කරමින් සිටින බවත්, මැද පෙරදිග යුද්ධයක් පැවතියද මෙම වසර තුළ උද්ධමනය ක්රමයෙන් පාලනය කර ගැනීමට හැකි වී ඇති බවත් නියෝජ්ය අමාත්යවරයා වැඩිදුරටත් කියා සිටියේය.
