රජය විසින් හඳුන්වා දීමට යෝජිත නව සංචාරක පනත හේතුවෙන් සංචාරක කර්මාන්තය දැඩි නිලධාරීවාදී ගැටලුවලට මැදිවන අතර, එමගින් ක්ෂේත්රය වසර දෙකක පමණ කාලයක් අඩපණ විය හැකි බවට විධිමත් සංචාරක හෝටල් අංශය අනතුරු අඟවයි. වත්මන් 2005 අංක 38 දරන සංචාරක පනත සම්පූර්ණයෙන් අහෝසි කර නව පනතක් ගෙන ඒම කාලෝචිත නොවන බව පෙන්වා දෙන ශ්රී ලංකා සංචාරක හෝටල් හිමියන්ගේ සංගමය (THASL), පවතින නීති රාමුව තුළ අවශ්ය ස්වාධීනත්වය පවතින බවත් ගැටලුව ඇත්තේ ඒවා නිසි ලෙස ක්රියාත්මක නොකිරීමේ බවත් අවධාරණය කරයි. නව පනතක් කෙටුම්පත් කර ගැසට් කිරීමට ගතවන දීර්ඝ කාලය හේතුවෙන් කර්මාන්තයේ ඉදිරි ගමන ඇණහිටිය හැකි බැවින්, පවතින පනතට අවශ්ය සංශෝධන පමණක් සිදු කරන ලෙස ක්ෂේත්රයේ ප්රවීණයෝ රජයෙන් ඉල්ලා සිටිති.
