දරුණු මූල්ය අර්බුදයකින් පසු ශ්රී ලංකාව ජාත්යන්තර මූල්ය අරමුදලේ (IMF) විස්තීර්ණ අරමුදල් පහසුකම (EFF) යටතේ ක්රමයෙන් යථා තත්ත්වයට පත්වෙමින් පවතින බව ශ්රී ලංකා දූත මණ්ඩල ප්රධානී එවන් පැපජෝර්ජියෝ මහතා පවසයි. පසුගිය දිනවල මෙරට සංචාරයක නිරත වූ IMF කණ්ඩායම නිකුත් කළ නිවේදනයකට අනුව මේ බව තහවුරු කෙරේ. මැදපෙරදිග යුද ගැටුම් සහ දිට්වා සුළි කුණාටුව වැනි බාහිර කම්පන හමුවේ වුවද, ශ්රී ලංකාවේ ආර්ථික ප්රතිසංස්කරණ වැඩසටහන ක්රියාත්මක කිරීමේ ප්රගතිය සතුටුදායක බව ඔහු පෙන්වා දෙයි. පවතින ගෝලීය අවිනිශ්චිතතාවයන් හමුවේ උද්ධමනය පාලනය කර ගැනීම සහ රුපියලේ අගය ස්ථාවර කර ගැනීම සඳහා ශ්රී ලංකා මහ බැංකුව ගත් ක්රියාමාර්ග ද ඔහු අගය කළේය. කෙසේ වෙතත්, ආර්ථික ප්රකෘතිය තවදුරටත් ශක්තිමත් කිරීම සඳහා රාජ්ය ව්යවසාය ප්රතිව්යුහගත කිරීම වේගවත් කිරීම, බලශක්ති මිල ගණන් පිරිවැය පියවන මට්ටමක පවත්වා ගැනීම, රාජ්ය ණය කළමනාකරණය ශක්තිමත් කිරීම සහ වෙළෙඳ හා කම්කරු වෙළෙඳපොළ ප්රතිසංස්කරණ මගින් ආයෝජන දිරිගැන්වීම අත්යවශ්ය බව ඔහු අවධාරණය කරයි. IMF වැඩසටහනේ හත්වන සමාලෝචනය මෙම වසරේ අගභාගයේදී පැවැත්වීමට නියමිත අතර, ශ්රී ලංකාව අඛණ්ඩව ප්රතිසංස්කරණවල නිරත වීම ආර්ථික ස්ථාවරත්වය සඳහා තීරණාත්මක බව පැපජෝර්ජියෝ මහතා වැඩිදුරටත් සඳහන් කරයි.
