ශ්රී ලංකාවේ ස්වදේශික ප්රජාවගේ අයිතිවාසිකම් සහ සාම්ප්රදායික ජීවන රටාව ආරක්ෂා කිරීම සඳහා නව පියවර යටතේ ඔවුන්ට නීතිමය හැඳුනුම්පත් හඳුන්වා දීමට කටයුතු කරන බව අග්රාමාත්ය ආචාර්ය හරිනි අමරසූරිය මෙනවිය ප්රකාශ කර තිබේ.
දඹාන ස්වදේශික උරුමයන් පිළිබඳ කෞතුකාගාර පරිශ්රයේදී අද (9) පැවති ලෝක ස්වදේශික ජනතා දිනය (World Indigenous Peoples’ Day 2026) සැමරුම් උත්සවය අමතමින් අග්රාමාත්යවරිය මේ බව සඳහන් කළාය. පරිසර අමාත්යවරයාගේ ප්රධානත්වයෙන් ස්වදේශික ප්රජාව මුහුණ දී ඇති දීර්ඝකාලීන ගැටලු ගණනාවකට විසඳුම් ලබාදෙන විශේෂ ගැසට් පත්රයක් අත්සන් කර ඇති බව ඇය පැවසුවාය. මෙම නව පියවර යටතේ ස්වදේශික ප්රජාව ලියාපදිංචි කිරීම, නීතිමය හැඳුනුම්පත් නිකුත් කිරීම සහ ඔවුන්ගේ දෛනික ජීවිතයේ කොටසක් ලෙස වනාන්තරවලට ඇතුළුවීමට අවසර ලබාදීම ඇතුළත් වේ.
එමෙන්ම, ස්වදේශික නායක උරුවරිගේ වන්නිලා ඇත්තෝ සහ ප්රජාවේ සාමාජිකයින් වසර ගණනාවක් පුරා ඉල්ලා සිටි දිගුකාලීන ස්වදේශික ජනතා පනත් කෙටුම්පත (Indigenous Peoples Bill) අමාත්ය සුනිල් සෙනෙවිගේ මැදිහත්වීමෙන් මේ වන විට කැබිනට් මණ්ඩලය වෙත ඉදිරිපත් කර ඇති බවත්, ඒ පිළිබඳ සාකච්ඡා මේ සතියේ ආරම්භ වන බවත් අග්රාමාත්යවරිය වැඩිදුරටත් සඳහන් කළාය.
