විශ්වවිද්යාල අධ්යාපනය සහ කර්මාන්ත ක්ෂේත්රය අතර පවතින පරතරය අවම කරමින්, ක්ෂුද්ර, කුඩා හා මධ්ය පරිමාණ ව්යවසාය (MSME) අංශයේ තිරසර සංවර්ධනය සඳහා අවශ්ය ආයතනික සම්බන්ධීකරණය ශක්තිමත් කිරීමට රජය පියවර ගෙන තිබේ. කර්මාන්ත හා ව්යවසායකත්ව සංවර්ධන අමාත්ය සුනිල් හඳුන්නෙත්ති මහතා මේ බව ප්රකාශ කළේ කොළඹදී පැවති ‘ශ්රී ලංකාවේ ක්ෂුද්ර, කුඩා හා මධ්ය පරිමාණ ව්යවසාය බලගැන්වීමේ අභියෝග, අවස්ථා සහ ඉදිරි මාවත’ පිළිබඳ සමුළුව අමතමිනි.
පේරාදෙණිය විශ්වවිද්යාලය සහ ජාතික ව්යවසාය සංවර්ධන අධිකාරිය (NEDA) එක්ව සංවිධාන කළ මෙම සමුළුවේදී මධ්යම පළාතේ ව්යවසාය 1,000ක් ආශ්රයෙන් සිදු කළ සමීක්ෂණයක ප්රතිඵල එළිදැක්විණි. ව්යවසායවල මූල්ය තිරසරභාවය සහ අර්බුද කළමනාකරණය පිළිබඳ වැදගත් කරුණු අනාවරණය කළ මෙම අධ්යයනය, අනාගත ප්රතිපත්ති සම්පාදනය සඳහා මඟ පෙන්වීමක් වනු ඇත.
අමාත්යවරයා වැඩිදුරටත් අවධාරණය කළේ, කර්මාන්ත යනු හුදෙක් නිෂ්පාදන පමණක් නොව සේවා ක්ෂේත්රයද අපේ ආර්ථිකයේ අතිශය වැදගත් අංගයක් බවයි. ඒ අනුව නිෂ්පාදන සහ සේවා ක්ෂේත්ර දෙකටම අදාළව උපදේශක සභා ස්ථාපිත කිරීමට පියවර ගෙන ඇති අතර, ඇඟලුම්, රූපලාවණ්ය, ආයුර්වේද නිෂ්පාදන සහ චිත්රපට කර්මාන්තය ඇතුළු ක්ෂේත්ර 27ක් මේ යටතේ නියාමනය කෙරේ. විශ්වවිද්යාල සහ ප්රතිපත්ති සම්පාදන ආයතන අතර පවතින සම්බන්ධතාව ශක්තිමත් කිරීම තුළින් මෙරට ව්යවසායකත්ව පරිසරය වඩාත් ප්රායෝගික හා ඵලදායී ක්ෂේත්රයක් බවට පත් කිරීම රජයේ අරමුණයි.
