ශ්රී ලංකාවේ අතුරුදහන් වූ තැනැත්තන් පිළිබඳ කාර්යාලය (OMP) විසින් ක්රියාකාරී අතුරුදහන්වීම් නඩු 17,000කට ආසන්න සංඛ්යාවක් විමර්ශනය කරමින් පවතින බවත්, එහි දත්ත පදනමේ නඩු 23,000කට අධික සංඛ්යාවක් ඇතුළත් වන බවත් එම කාර්යාලයේ සභාපති මහේෂ් කතුපොළ මහතා ප්රකාශ කර තිබේ.
අගෝස්තු 30 වැනි දිනට යෙදී ඇති බලහත්කාරයෙන් අතුරුදහන් වූ තැනැත්තන්ගේ ජාත්යන්තර දිනය වෙනුවෙන් පැවති උත්සවයක් අමතමින් ඔහු මේ බව සඳහන් කර ඇත. 2009 වසරින් අවසන් වූ දශක කිහිපයක යුධ ගැටුම් මෙන්ම මෙරට දකුණු ප්රදේශයේ හටගත් සන්නද්ධ ගැටුම්වලට සම්බන්ධ අතුරුදහන්වීම් ද මෙම සංඛ්යාවලට ඇතුළත් වේ. අනුපිටපත් ඉවත් කිරීමෙන් පසු මේ වන විට සක්රීය නඩු ගොනු 16,966 ක් පවතින බවත්, බලපෑමට ලක් වූ පවුල් 9,072 ක් සමඟ සාකච්ඡා පවත්වා ඇති බවත් කතුපොළ මහතා වැඩිදුරටත් පෙන්වා දී ඇත.
