ශ්රී ලංකාව විසින් ක්රියාත්මක කරන ලද රාජ්ය ණය කළමනාකරණ ප්රතිසංස්කරණ ජාත්යන්තරයේ ඇගයීමට ලක්වෙමින්, ලන්ඩනයේ පැවති 2026 පොදුරාජ්ය මණ්ඩලීය ණය කළමනාකරණ සම්මාන උළෙලේදී සුවිශේෂී සම්මානයක් දිනා ගැනීමට ශ්රී ලංකාව සමත්ව තිබේ. මෙහිදී ශ්රී ලංකාවේ රාජ්ය ණය කළමනාකරණ කාර්යාලය (PDMO) වෙත “වසරේ ණය කළමනාකරණ කාර්යාලය – ආසියා පැසිෆික්” යන ගෞරවනීය සම්මානය හිමි වූ අතර, මෙම උළෙල 2026 මාර්තු 26 වන දින ලන්ඩනයේ මාල්බරෝ හවුස් හිදී උත්කර්ෂවත් අයුරින් පවත්වන ලදී.
රාජ්ය ණය කළමනාකරණ කාර්යාලය ස්ථාපනය කර මාස 15ක් වැනි කෙටි කාලයක් තුළ මෙම ජාත්යන්තර පිළිගැනීම හිමි කර ගැනීම සුවිශේෂී ජයග්රහණයක් බව මුදල් අමාත්යංශය පෙන්වා දෙයි. විශේෂයෙන්ම වසර 75ක කාලයක් ශ්රී ලංකා මහ බැංකුව යටතේ පැවති දේශීය රජයේ සුරැකුම්පත් වෙන්දේසි කිරීමේ වගකීම, 2025 දෙසැම්බර් මාසයේදී මෙම ස්වාධීන කාර්යාලය වෙත පවරා ගැනීම සහ රටේ ණය තිරසාරභාවය වෙනුවෙන් සිදුකරන ලද ආයතනික වෙනස්කම් මෙහිදී ඇගයීමට ලක්ව ඇත. මෙම සම්මානය ශ්රී ලංකාවේ මූල්ය විනය සහ ආර්ථික ප්රතිසංස්කරණ වැඩපිළිවෙළ ජාත්යන්තර මට්ටමින් තහවුරු කිරීමට මහෝපකාරී වනු ඇත.
